Жапония императоры Акихито 2019 жылдың наурызында тағын босатады

Мұндай шешім қаржы жылының аяқталуына байланысты бюрократиялық процедураларды жеңілдету үшін қабылданды, деп жазады Qamshy.kz ақпарат агенттігі.

 Жапонияда қаржы жылы 31 наурызда аяқталады, ал 1 сәуірден бастап таққа ханзада Нарухито отырады.

Императордың тақты босатуына мүмкіндік беретін заң өткен жазда күшіне енген. Аталмыш заң тек монархтың жағдайына байланысты әрі 3 жылға жарамды.

Акихитоның өзі 2016 жылдың тамызында жас шамасына және денсаулығының сыр беруіне байланысты халық алдында тақтан бас тарту туралы өтініш жасаған. Жапондықтар өз кезегінде императордың қалауын түгелдей қолдады.