Үндістанда ауа ластану деңгейі қалыптыдан 15 есеге асып кетті

Үндістан астанасы Дели қаласында ауаның ластануы қалыпты нормадан 15 есе асып кетті. Ауа жағдайының күрт нашарлауына Дивали фестиваліндегі отшашудан шыққан түтін себеп болған. Бұл туралы РИА Новости хабарлайды.

 Дивали – үндістердің көшеге шығып петарда мен отшашу шашып тойлайтын мейрамы. Билік жарылғыш заттарды сатуға тыйым салғанмен, халық бұл мейрамды отшашумен тойлауын тоқтатар емес. Қазір осы жағдайға байланысты тұрғындарға үйден шықпауға кеңес берілді.
 Air Quality Index жүйесінің мониторингіне сәйкес, Делидің бірнеше ауданында ауаның ластануы 999 бірлікті құраған. Бұл деген сөз ашық ауада тұрудың өзі аса қауіпті.