ҚР Ұлттық қауіпсіздік комитеті төрағасының орынбасары генерал-майор Нұрғали Білісбеков 2018–2022 жылдарға арналған бағдарламаның мақсаты — діни экстремизм көріністерін ескерту және терроризм қаупін болдырмау арқылы адамның, қоғамның және мемлекеттің қауіпсіздігін қамтамасыз ету екенін атап өтті.
«Халықаралық террористік ұйымдар Сирия мен Иракта жеңіліс тапты. Сондықтан ол жердегі содырлар отбасыларымен бірге басқа жерге, соның ішінде өз елдеріне қоныс аударып жатыр. Қазіргі кезде Қазақстанға 125 азамат қайта оралып, олардың 57-сі сотталды. Елге оралғандар радикалдық көзқарасты ұстанады. Олармен профилактика мен бейімдеу жұмыстары жүргізілуде», — деді ҚР Ұлттық қауіпсіздік комитеті төрағасының орынбасары Нұрғали Білісбеков.
2013 жылдан бастап елімізде діни экстремизм мен терроризм идеологиясын таратудың себептері мен жағдайларын жою және атаулы ақпараттық түсіндіру жұмыстарын ұйымдастыру жөнінде 202 комиссия жұмыс істейді.
Мәлімделген ақпаратқа сәйкес, аталған бағытта жалпы саны 8,1 млн-нан астам адам қамтылған 96,6 мыңнан астам шара өткізілді.
Ал ҚР Терроризмге қарсы орталығы штабының бастығы Жанат Сайполдаев Сирия-Ирак аймағынан 125 қазақстандық оралғанын, оның ішінде 40-тан астамы балалар екенін айтты.
Пікір қалдыру
пікір