16 Маусым, 2018 Әлеумет
Стивен Хокингті Дарвин мен Ньютонның қасына жерледі
Лондонда белгілі физик ғалым Стивен Хокингтің сүйегінің күлін жерлеу рәсімі өтті
Лондондағы Вестминстер аббаттығында белгілі физик ғалым Стивен Хокингтің сүйегінің күлін жерлеу рәсімі өтті. Рәсімге достары, туыстары және ғылыми саладағы әріптестері қатысты.
Бұған қоса әлемнің түрлі елдерінен Хокингтің жанкүйерлері қатысты. Жалпы 25 мыңға жуық адам ғалымды жер қойнауына тапсырды. Оны әйгілі ғалымдар Чарльз Дарвин мен Исаак Ньютонның зираттарының қасына жерледі.
Жанама амфиотрофикалық склероз ауруы салдарынан сал ауруына ұшыраған Хокинг биыл наурызда 76 жасында қайтыс болған. Сырқатымен 50 жылдан астам уақыт өмір сүрген ғалым кванттық космологияның негізін салушылардың бірі болды, ол "Үлкен жарылыс" нәтижесінде әлемнің пайда болғаны туралы теорияны зерттеп, "Қара тесік" теориясын ашуға көп еңбек сіңірді. Дерт салдарынан тек бет бұлшық еттері ғана сау қалған Хокинг датчиктің көмегімен компьютерді басқарған.
Ғалым қайтыс болғаннан кейін оның әйгілі механикалық дауысының жазбасы еуропалық Cebreros аэроғарыш станциясының көмегімен ғарышқа радиосигнал түрінде жолданған. Қызы Люси Хокингтің сөзінше, бұл сигнал "бинарлық жүйедегі ең жақын 1A 0620-00 қара тесігі" жаққа қарай жіберілген.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір