14 Қазан, 2017 NEWS
Шымкенттегі Каспий банк бөлімшесінен ұрланған қаржының сомасы белгілі болды
13 қазан күні 19.40-та Шымкент қаласындағы банктердің бірінде «дабыл түймешесі» қағылған болатын
Шымкентте қарақшы банктен 16 000 000 теңге, 23 000 АҚШ доллары мен 8 500 Ресей рублін қолды еткен, деп хабарлайды Qamshy.kz ақпарат агенттігі Оңтүстік Қазақстан облыстық ІІД-нің баспасөз қызметіне сілтеме жасай отырып.
«13 қазан күні 19.40-та Шымкент қаласындағы банктердің бірінде «дабыл түймешесі» қағылды. Арада бірнеше минут өткен соң Шымкент қалалық ІІБ Әл-Фараби ПБ-нің жедел-тергеу тобы оқиға орнына келіп жетті. Банк қызметкерінің сөзіне қарағанда, ғимаратқа бетіне бетперде киген белгісіз біреу еденге «жарылғыш пакет» тастап, түтін шығарып, балтамен қорқытып, ақша беруін талап еткен», - деп хабарлады ІІД.
Белгісіз азамат кассадан 16 млн теңге, 23 мың АҚШ доллары және 8 500 рубльді алып кеткен. Осы кезде қызметкерлердің бірі «дабыл түймешесін» басқан, алайда күдікті оқиға орнынан бой тасалап үлгерген. Аталған жайт бойынша ҚР ҚК 192-бабы 4-бөлімі «Аса ірі көлемдегі қарақшылық» бойынша сотқа дейінгі тергеудің бірыңғай тізіліміне тіркелді.
Айта кетейік, кеше сағат 19:40-та Шымкент қаласындағы Каспий банк бөлімшесіне қарақшы шабуыл жасаған болатын.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір