Қостанайда баласын вокзалға тастап кеткен әйел іздестіріліп жатыр

Қостанайда белгісіз әйел өз баласын автовокзалда қалдырып кеткен, - деп хабарлайды Qamshy.kz ақпарат агенттігі "Костанайские новости" сайтына сілтеме беріп.

Басылымның мәліметінше, бала 17 маусымда шамамен сағат 20.40-та табылған. Оқиға орнына ювеналды полиция қызметкерлері мен жедел қызметтегілер барған. Баланы күзет қызметкерлері тапқан. Олар аналар мен балаларға арналған бөлмеден баланың жылап жатқан даусын естіген. Бала кереуетте жатқан. Жасы шамамен 1,5-да.

Қазіргі уақытта баланың анасын іздестіру жұмыстарына жеке құрам жұмылды. Бала үйде, оған тәрбиешілер қарап жатыр.

Полиция баланың анасы жайлы қандай да бір мәлімет білетіндерден мына нөмірлер бойынша хабарласуды сұрайды 8-777-363-04-24 немесе 102.