Қоқыс 17 адамның өліміне себепкер болды

Мозамбик астанасы Мапутада жауын-шашынның салдарынан тұрғын үйді 15 метрлі қоқыс үйіндісі басып қалған. Соның нәтижесінде 17 адам мерт болды.

Қайғылы оқиға 19 ақпанда қаланың ең кедей ауданында түнде болған. Қоқыстың астында қалған үй билік тарапынан заңсыз салынған ғимарат деп танылған. Сондықтан кейбір тұрғындар биліктің нұсқауымен көшіп кеткен.

Әзірше 17 адам көз жұмғаны белгілі. Мерт болғандар мен жарақаттанғандардың саны артуы мүмкін. Қазір құтқарушылар іздестіру жұмыстарын жүргізіп жатыр.