Қазақстандықтар балаларына көбіне қандай саясаткерлердің есімін берген?

Қазақстандықтар балаларына көбіне қандай саясаткерлердің есімін береді? Tengrinews.kz порталы анықтап көріпті. Алғашқы үштікке Асылжан, Нұрсұлтан және Кәрім есімдері кірді. Соңғы екі жарым жылда осы есімдермен 1 690, 1837 және 702 баланың аты аталған.

Тағы бір көп таралған есім – Бауыржан. 731 баланың есімі – Байбек. Оның 42-сі Бәйбек болып тіркелген.

Иманғали деген есім де жиі кездеседі. Соңғы екі жарым жылда 612 баланың есімі Иманғали аталған.

Сонымен қатар 42 баланың есімі – Бахытжан, ал 256 баланікі – Бақытжан.

Ахметжан – 109, Арыстанбек – 62, Тәңірберген – 84 (Танирберген –13). Бес баланың есімі – Қасым-Жомарт.

Саясаткерлерден сирек кездесетін есімдер – Қалмұханбет, Бердібек және Ғабидолла.

Тіпті елімізде әлемдік саясаткерлердің есімін беретіндер да бар екен. Мәселен бір баланың есімі – Дональд, екі бүлдіршінге Тереза деген есім қойған. Тағы екеуі Барак аталса, төрт балақай Эммануэль болып жүр. Ең көбі Саддам екен. Бұл есіммен қазақстандық 24 бала аталған.