«Қара жорға» биін билеген африкалықтар көпшілікті тәнті етті

ЭКСПО-2017 халықаралық көрмесінде Африка Ұлттық күні аясында африкалық павильонның меймандары қара жорға биін биледі, деп хабарлайды Qamshy.kz ақпарат агенттігі.

Одан бөлек дауылпаздармен түрлі әуендер сомдалып, сахнада Африка халқының дәстүрлі билері де орындалды.  

Дәстүрлі флангтан кейін сахна төріне африкалық павильонның комиссары Филип Конте шықты.

«Африкаға келіңіздер. Бірақ біздің минералдарды өндіріп, өз елдеріңіздің пайдасын көздеу үшін келудің қажеті жоқ. Инвестиция жасап, тең дәрежеде жұмыс істеуге келіңіздер», - деді Конте.

Сондай-ақ, ЭКСПО-2017 көрмесіне шақырту алғандары үшін қазақ халқына алғысын білдірді. Африканың ұлттық күнінде елдің дәстүрін тамашалау үшін қалың бұқараның жиналғанына қуанышты екенін жеткізді.

Видео: inform.kz