Орал қаласы әкімінің жаңа орынбасары тағайындалды

Орал қаласының әкімінің бұйрығымен Бауыржан Құдияров әкімнің орынбасары қызметіне тағайындалды, деп жазады Qamshy.kz ақпарат агенттігі. 

Бауыржан Құдияров 1978 жылы 12 шілдеде Кентау қаласында туған.

1999 жылдан бастап 2012 жылға дейін ШҚО бойынша көліктік бақылау басқармасында, Қостанай облысында жол-көлік бақылау басқармасында, сыбайлас жемқорлық құқық бұзушылықтарға қарсы күрес әскери полиция бірлігінде, ШҚО және Павлодар облыстары бойынша көліктік бақылау «Ертіс» өңіраралық инспекциясында жұмыс істеген.  2012 жылы мамырдан бастап желтоқсанға дейін Өскемен қаласы әкімдігінің «бір реттік талондар беру орталығын» басқарған. Жаңа қызметке тағайындалғанға дейін  қала құрылысы бөліміне басшылық еткен.