ОҚМПИ университет мәртебесін алуға әзірлік жасап жатыр

Биыл негізі қаланғанына 80 жыл толып отырған Шымкент қаласындағы Оңтүстік Қазақстан Мемлекеттік Педагогикалық Институты аталған мерейтой қарсаңында университет мәртебесін алуға әзірлік жасап жатыр. Бұл жайында Qamshy.kz ақпарат агенттігі.

Осыған орай институтта ашық сабақтар, жас дизаинерлер мен суретшілердің көрмесі, қоғамның көрнекті өкілдері, ақын-жазушылармен кездесулер және флешмобтар ұйымдастырылып жатыр. 

Айта кетсек, 1937 жылы Оңтүстіктегі бірінші ашылған екі жылдық мұғалімдер институты  1954 жылы Шымкент педагогикалық институты болып қайта құрылды. 1993 жылы Шымкент педагогикалық институты ҚР үкіметінің қаулысымен Түркістан қаласында жаңадан ашылған Қ.А.Ясауи атындағы Халықаралық қазақ-түрік университетінің құрамына кірді. ҚР Үкіметінің 2011 жылғы 28 маусымдағы №722 қаулысымен Оңтүстік Қазақстан мемлекеттік педагогикалық институты қайта ашылды. Педагогикалық институт оңтүстік өңіріндегі ең алғашқы жоғары оқу орны.