Мағжан сенген жастар, қайдасыңдар?

«Мен жастарға сенемінді» білмейтін қазақ жоқ шығар. Алдыңғы буын ағалар жастарды қайрап, намысын оятқысы келсе де Мағжанның осы бір жалынды жырын негізге алады. Мағжан Жұмабаевтың 125 жылдығының құрметіне сазгер Ерлан Төлеубай сөзіне сазы үйлескен ән шығарды. Ән сүйер қауым бұл әнді жас әнші Данияр Рақымбайдың орындауында тыңдай алады.

Мағжан ақынның мерейтойын дүркіретіп өткізсек деген ой-ниетіміз жоқ емес. Аталмыш игі мақсатты көздеген Qamshy.kz ақпарат агенттігі қыркүйектің 26 мен 29 аралығында Түркі елдері жастарының үлкен құрылтайын ұйымдастыруды жоспарлап отырғанын естеріңізге сала кетейік.