Ғалымдар ірі қалаларда тұру неге қауіпті екенін айтты

Ауылда өмір сүретін адамдарға қарағанда ірі қалалардың тұрғындары тері ауруларымен жиі ауырады, деп жазады Qamshy.kz ақпарат агенттігі  РИА Новости сайтына сілтеме жасап. Оңтүстік Кореядағы бірнеше ғылыми зертхананың ғалымдары осындай қорытындыға келді.

Бұған дейін ғалымдар тері ауруларына ауаның ластануы себеп болуы мүмкін деген болжам жасаған болатын. Зерттеушілер адам терісіндегі  ұсақ ағзаларға талдау жасады. Ол үшін Қытайдың бес қаласында тұратын 231 әйелден анализ алған. Үшеуі үлкен қала саналса, қалған екеуі – мегаполис. 

Зерттеу барысында үлкен қалаларда тұратындарға қарағанда мегаполис тұрғындарының терісінде микроорганизм анағұрлым аз екені анықталды. Тиісінше, ұсақ ағза теріде көп болған сайын, дерматитпен ауыру қатері де төмен болады.