Экс-министр Бишімбаев мемлекетке 1,2 млрд. теңгені қайтарып берді

Ұлттық экономика экс-министрі Қуандық Бишімбаев қылмыстық іс бойынша 1,2 миллиард теңге көлемінде өтемақы төледі, деп жазады Qamshy.kz ақпарат агенттігі.

Today.kz порталының мәліметіне сүйенсек, бұл туралы тоғыз айдағы қызметтің қорытындысы жайлы өткен брифинг барысында сыбайлас жемқорлыққа қарсы Ұлттық бюро департаменті директорының орынбасары Талғат Серікбаев мәлімдеді.

«Бишімбаев қылмыстық ісін тергеу аясында мемлекет кірісіне 1,2 миллиард теңге көлемінде келтірілген шығын қайтарылды», - деді Серікбаев. Кінәлі тарап қаражатты өз еріктерімен мемлекет кірісіне құйған. 

Шығын түгелімен қайтарылды. Іс бойынша айыпталған 23 адамның 20-сы өз кінәларын мойындады.