ДАИШ футболдан өтетін әлем чемпионатына «теракт жасаймыз» деп қорқытты

ДАИШ 2018 жылы Ресейде футболдан өтетін әлем чемпионатына теракт жасаймыз деп қорқытты. Бұл туралы Qamshy.kz ақпарат агенттігі The Daily Mail басылымына  сүйене отырып жазады.

Ресейде «Бізді күтіңдер» деген жазуы бар, қолына қару ұстаған террорист бейнеленген плакат жарияланған. Плакаттағы жауынгердің жанында жарылғыш зат бар және ол стадионның алдында тұр. Сонымен қатар, суретте чемпионаттың символы - мундиаль бар.

Алайда, ДАИШ әзірше ешқандай ресми мәлімдеме жасамағаны анық. Сондықтан, БАҚ өкілдері бұл плакатты ДАИШ-тың жақтастары жасауы мүмкін деп отыр.

Естеріңізге сала кетейік, мундиаль 2018 жылы 14 маусым мен 15 шілде аралығында ресейдің бірқатар қалаларында өтеді.