23Қараша

Аппақ Сәбит қамалғанымен заңсыз кәсібі жалғасып жатыр. Бұған кім жауапты?

Аппақ Сәбит қамалғанымен заңсыз кәсібі жалғасып жатыр. Бұған кім жауапты?

2016 жылы Qamshy.kz ақпарат агенттігі Қызылордада Сәбитбек Өмірзақов бастаған қылмыстық топтан оңбай таяқ жеген Нұрлан Тұрманның оқиғасын шығарған болатын. «Қызылорда полициясы мен прокуратурасы қылмыс әлемін қамқорлығына алған ба?» тақырыбымен жарияланған мақалада Нұрлан Тұрманнан ақша бопсалап, өзінің лас істеріне, мұнайды заңсыз тасымалдау әрекеттеріне араластырмақ болған Аппақ Сәбит есімді лақап атпен танымал Өмірзақов Сәбитбектің атына қанша арыз жазылғанымен бостандықта жүргені, оған қатысты істердің жабулы қазан күйінде қалатыны жазылды.

Бүгінде ақшасы бардың мүмкіндігі де мол заман екені белгілі. Заң да, басқасы да қалталылардың ығына көнетін әдетіне бірнеше мысал да келтіріп өтуге болады. Нұрлан Тұрман айтқан Аппақ Сәбиттің ісі де соның бір көрінісі сыңайлы...

Қаншама арыз жазып, талай есікті тоздырған Нұрлан Тұрманның әрекеті осы күнге дейін нәтижесіз болды. Тіпті Елбасына 6 мәрте үндеу жолдап, Ұлттық қауіпсіздік комитетіне талай хат жазғанымен іс жабылған күйі қалды. Енді міне, ағымдағы жылдың мамырында ғана қылмыс әлемінің беделді тұлғасы Сәбитбек Өмірзақовтың 4 жылға қамалғаны белгілі болды. Нұрлан Тұрманның айтуынша, бірнеше бопсалау мен мұнай саласындағы заңсыз әрекеттері бола тұра, оның 4 жылға ғана қамалуы, оның үстіне тергеу изоляторында жатуы нағыз әділетсіздік! Ал Нұрлан Тұрманның әділдік жолында аяқ тоздырып жүгірген күндері, жазған арыздары – бәрі қараусыз күйі қалған. Қаншама қылмысы бола тұра, оның көбі ығыстырылып, бопсалау әрекеттері үшін тергеу изоляторында жатқан Сәбитбек Өмірзақов темір тордың ар жағында да шалқып өмір сүріп жатқаны жайында видео да бар.

«Осының бәрін ақшамен шешіп отыр» деген Нұрлан мырза өзіне қатысты істің қайтадан қозғалғанын талап етіп отыр. Бұдан бөлек Сәбитбек Өмірзақовқа қатысы бар бірнеше қылмыскерлер тобы да қызметінен аластатылған көрінеді. Соның бірі Аппақ Сәбиттің «крышасы», ауылдасы, Өскемен облысы бас прокуратурасында генерал-майор қызметін атқарған Бағбан Тәйімбетов Көмекбайұлы. Нұрлан Тұрманның айтуынша, Сәбитбек Өмірзақов қамауға алынған соң Бағбан Тәйімбетов жұмыс орнынан аластатылып, бүгінде үй қамақта отыр. Оның ісіне қатысты тергеу амалдары жалғасып жатыр. Алайда Нұрлан мырза көп кешіктірмей істің сол күйі жабылатынына сенімді.  Шығыс Қазақстан облысы прокуратурасы өз кезегінде Бағбан Тәйімбетовтің зейнетке шыққандықтан бүгінде қызметінен босатылғанын айтты.

Одан бөлек Аппақ Сәбиттің қылмыстық істеріне қатысы бар Иманқұлов Нұрболат, Беркінбаев Айдос, Тілеуов Нұрландардың да іске тартылып, қамауға алынбағанына наразы. Нұрлан Тұрмановтың ойынша, Айдос Беркінбаевтың үлкен ағасы Ресей думада қызмет етеді, істің жабылуына себепші болып отырған да сол кісі.

Өз отбасын, өз құқығын қорғамақ болған, әрі әділдік іздеген Нұрлан Тұрманов өзінің де арызының қаралғанын талап етіп, редакциямызға хабарласты.  Осыны ескерген біз де Елбасына, ҚР ҰҚК, ҚР Жоғарғы соты, Бас прокуратурасына бірнеше сауал жолдамақпыз?

Нұрлан Тұрмановтың арызы неге қайта қаралмайды? Неге жабулы күйінде қалып қойды?

Бірнеше мәрте бопсалау әрекеттерімен қоса, мұнайды заңсыз тасымалдауға қатысы бар Сәбитбек Өмірзақов не себепті бар жоғы 4 жылға қамалды?

Нұрлан Тұрманның «крышасы», әрі ауылдасы Өскемен облысы бас прокуратурасында генерал-майор қызметін атқарған Бағбан Тәйімбетов қызметінен неге аластатылды?

Сәбитбек Өмірзақовтың қылмыстық әрекеттеріне қатысы бар Иманқұлов Нұрболат, Беркінбаев Айдос, Тілеуов Нұрландар іске тартылып, неге қамауға алынбады?  

Сәбитбек Өмірзақов пен оның командасынан таяқ жеп, денсаулығынан айырылған Нұрлан Тұрмановтың жағдайы сіздерді алаңдата ма?

Осыған дейін «Қамшыда» жарық көрген Жомарт Абдоллаұлының  материалын да істің мән-жайын анық түсіну үшін оқырман назарына ұсынамыз.

Осыдан үш жыл бұрын қызылордалық қарақолдардан қорлық көрген Нұрлан Тұрманов полицияға жасаған сансыз шағымынан нәтиже шықпай қынжылуда. Өзін күш қолдану арқылы қала сыртына алып кетіп, ұрып-соғып, 20 мың доллар ақша бопсаламақ болғандар әлі бостандықта жүргенін айтады ол. «2013 жылы күз айларының бірінде бір жаназада Қарағанды жақта тұратын құда балам Беркінбаев Айдос жолығып қалды. Әңгіме барысында өзінің мұнай өнімдерін заңсыз сатуды қолға алып жатқанын, Қарағандыда ірі бір бандиттермен байланыста екенін айтып, Қызылордада контрабандалық мұнай өнімдерін өткізетін жер тауып беруімді сұрады. Оған мен қазір заман басқа екенін, заңсыз әрекетпен алысқа бара алмайтынын ескертіп, мұндай істен аулақ болу керек деген ақылымды айттым. Сөз арасында сондай-ақ, ондай қылмыстық шаруаларды лақап аты «Аппақ Сабит» (Өмірзақов Сәбитбек) деген жігіттің реттейтінін естігенімді жеткіздім. Бәрі осыдан басталды», - деп бастады әңгімесін сегіз баланың әкесі Нұрлан Тұрманов. «Әлгі кездесуден көп уақыт өтпей Айдостын оң қолы Тілеухан қайта-қайта «звондап» кездесуім керек еді деп қоймағасын ойымда ештеңе жоқ бардым. Сол уақытта «Тойота-камри» автокөлігі кеп тоқтады. Қасыма Тілеухан отырып, арттағы машинада Беркінбаев Айдостың отырғанын сол кездесу үшін келгенін айтты. Арттағы машинаның есігін ашсам Айдос отыр екен. «Нұреке, отырыңыз шаруа бар, сөйлесейік» деп машина рөлінде отқан жігітке «Қаланы аралап жүре бер, мұнын артында «хвост» болуы мүмкін» деді. Айдос «Мен осы қаланы ұстап отқан «Аппақ Сәбитті» құртам» деді. Мен «Ондай шаруаға араласпаймын» дедім. Ол балалар кеп тұр соларды қайтару үшін маған он мың ақш доллары керек деді. Менде акша жоқ деп ем проблема боп тұр деді. Сосын менде жана Тойота Raw 4 автоколігі бар дегесін мен онда сенде шын проблема боп тұрса өзімнің Мерседес бенс140 автоколігімді берейін дедім. Ол орнына Raw 4 автокөлігін беріп жіберетін болды. Содан түнде тағы бір кездесуге шақырды. Айдоспен бірге оның үй жағына барғанымда ол жақта «Аппақ Сәбиттің» өзі бірнеше баласымен тұр екен. Айдос оған «Өздерің білетін жаққа келе беріңдер» деді де, біз жүріп кеттік. Қала сыртына шыққанда машина тоқтап, екі жақтағы есік ашылды. Басыма ақ мата орап, белгісіз бір ғимаратқа апарып, соққының астына алды. Басымдағы қапты шешкенде алдымда 40 шақты жігітпен «Аппақ Сәбит» тұрды», - дейді ол. «Көзімді байлап қойды, іш киімімді ғана қалдырып шешіндірді де бір ғимаратқа кіргізді. Кіргеннен бастап соққының астына алды. Тырнағымның астына, шабыма дейін біз тықты. Әр соққының арасында менің криминалды мұнай саудасына көмектеспегенім үшін айыпты екенімді, сол үшін анамның айналысып отырған шаштаразы мен шағын дүкенін соларға беру керектігімізді айтты. Мен бас тарттым. Сол кезде жігіттер мені көтеріп алып, бетон еденге бар күштерімен санап тұрып 10 рет лақтырды. «Басқаларды екі-үш лақтырсақ есінен танып қалады, мынау есінен танар емес» деп айуандықпен қинады», - дейді жәбір көрген азамат. Н. Тұрмановтың айтуынша, қарақшылар денесінде қатты жарақат қалдырмау үшін кеудесіне, ішіне тақтай қойып, оның үстінен ағаш таяқпен ұрғылаған. Осылайша түнімен тепкінің астына алған. Айтқандарына көнбеген оны Сырдарияға апарып, суға ағызып жібермекке оқталады. Осы кезде Н. Тұрманов соңғы күшін жинап, Айдосқа үйіндегілерге кетерінде «Айдосқа барамын» деп кеткенін, өзін өлтірсе, бәрібір Айдостың әшкере болатынын айтады. Қарақшылар Н. Тұрмановқа «Аман қалғың келсе бізге «общакқа» 20 мың доллар ақша қосасың, заңсыз мұнай сатумен айналысасың» деген талап қояды. Бұл іске алдын ала дайындалғандары соншалық, оған қай баласы қай мектепте, нешінші сынып оқитынын, мектепке қай жолмен барып, қай жолмен қайтатынына дейін айтып береді. Айтқандарына көнбесе, балаларын көз алдында өлтіреміз деп қорқытқан. Осылайша, ол қарақшыларға банктен 20 миллион теңге алып беретін, несиені өзі жабатын болып шығады. Қансыраған Нұрланды қарақшылар таңға жуық есігінің алдына әкеп тастайды. «Олар мені үйге әкеп тастағанымен жай қоймады. Күндіз-түні үйімнің алдына қарауыл қойып, аңдумен болды. Кез-келген сәтте үйге кіріп келіп, қарулы жігіттер «Қай балаңнан бастап өлтірейік» деп қорқытатын болды. Сөйтіп, үйден де шыға алмай бір жарым айдан соң жасырынып шығып, дәрігерге бардым», - дейді ол. Сот-медициналық сараптама Н. Тұрмановқа денесінің әр бөлігіне 37 рет біз қадалғанын, үш қабырғасының сынып, екі бел омыртқасы сынып қисайғанын анықтайды. Сараптамадан соң ол қарақшылардың үстінен арыз жазу да Н. Тұрмановқа оңайға соқпайды. Үйін торуылдаған «Аппақ Сабиттің» адамдары оны аттап басқызбайды. «Банкте барлық құжат дайын, бізбен барып, қол қойып, 20 миллион алып бер де, жайыңа жүре бер» деп кідіңдегенін айтады Н. Тұрманов. «Бір жылға жуық уақыт өткенде бір күні «УБОП-тағылар» шақырып жатыр дегесін бардым», - деген ол осы жерде қорлыққа толы тағы бір кезең басталады. Қарақшылар тәнін қорлап, өзінің ғана емес, отбасының басына қауіп төндірсе, полиция қызметкерлерінің салғырттығы мен қылмыскерлерге тиісті шара қолданбауы жанын азаптап, үрей құшағында күн кешуге мәжбүрлейді. «Полицияда кезекші мені Ұйымдасқан қылмыспен күрес басқармасының (УБОП) бастығы Ермек Искаковқа алып барды. Болған оқиғаны тегіс айтып, арыз жаздым. Е. Искаков мені жәбірлегендердің басқа да қылмыстары барын, жақында қолға түсіретінін айтып, шығарып салды. Кешке... Үйге «Аппак Сабиттің» өзі келіп, менің полицияға жазған арызымдағы сөздерді өзіме қайталап айтып берді», - дейді Н. Тұрманов. Қылмыстық топ серкесі тіпті, полиция бастықтарының біразы өз адамдары екенін, сондықтан, ештеңеден қам жемейтінін айтып мақтанған. «Менің арызымды полицияда екі-ақ адам білетін. Соның біреуі бәрін Сәбитке жеткізіп барған», - деп ашынады Н. Тұрманов. Бірақ, Нұрланның арызы бойынша «Бұзақылық» бабымен (!!!) қылмыстық іс қозғалған. Кейін көп ұзамай әлгі іс жабылып қалған. «Е. Искаков басында бәрін жабамыз, қаматамыз дегенмен, кейін сөзщінен тайқып, «Бұлар саған тиіспейді, денсаулығыңды қалпына келтіруге көмектеседі. Істі қысқартайық» деп шықты. Менің олардың кінәсін дәлелдеуге деген талпыныстарымның бәрі жауапсыз қалды», - дейді жәбірленуші. Н. Тұрманов Астанаға бірнеше шағым жазып, Бас прокурордың тапсырмасымен іс қайта қаралу керек болған. Сол кездегі Бас прокурор А. Дауылбаев өзінің аға көмекшісі Р. Бөлекбаеваға тергеу барысын бақылауға алуды тапсырған. Бас прокуратура облыстық, ол қалалық прокуратураға іста тексеру туралы хат жолдайды. Облыстық прокуратураның 2-басқармасы бастығы Е. Қожанов қала прокурорына тапсырма бергенін айтып, Н. Тұрмановты сендіреді. Облыстық прокуратура Н. Тұрмановқа жазған жауабында «Бұзақылық» бабымен қозғалған істің тоқтатылуы асығыстық болғанын, тергеудің қайта басталғанын, тергеушілерге бірқатар нақты тапсырмалар берілгенін, процессуалдық тәртіп бұзушылықтар үшін Қызылорда қаласы ІІБ-нің тергеушісі А. Омаровқа, істі тиісті бақылауға алмғаны үшін тергеу бөлімінің бастығы Қ. Әуезхановқа және оның орынбасары Б. Қопановқа тәртіптік өндіріс ашқаны, істің ары қарайғы тергелуін қала прокуроры жеке бақылауына алғаны айтылған. Н. Тұрмановтың шағымына ІІМ-нің орталық аппараты да назар аударып, Ішкі қауіпсіздік департаменті (ДСБ) бастығы қызылордадағы бағыныштыларына барлық жағдайды жан-жақты, объективті тексеруді тапсырады. Жәбірленушіні осыдан кейін облыстық Ішкі қауіпсіздік басқармасына (УСБ) шақырып, жауап алады. Н. Тұрманов іс бойынша Искаковқа барлық жайды айтқанын жеткізеді. Ал, ІҚБ (УСБ) қызметкерлері қалалық ІІБ-ден істі сұратқандарын, онда қылмыстық істің табылмағандығын айтқан... «Мен сол кезде ол істің ашылғанына да күмәндана бастадым. Егер шынымен сондай болса мен «Аппақ Сәбиттің» құдыретіне еш күмәнім қалмайды», - дейді амалы таусылған жәбірленуші. «Соған қарамастан былтыр тамыз айының соңына таман істе біраз алға жылжу болды. «Бопсалау» бабы бойынша іс қайта қозғалып, онымен «УСБ» қызметкерлері айналыса бастады. ІІМ тапсырмасы бойынша Қызылорда облыстық ІІД ішкі қауіпсіздік басқармасы бастығы Ерлан Есахаев тексеруді бастап, бірқатар погонды қылмыскерлердің де ізіне түсе бастады. Мен істің бұлайша алға басатынына үміттенбеген де едім. Әділдік іздеп қаншама табалдырықты тоздырдым. Аз ғана уақыттан соң жәбір көрсеткендер жазаланып, мен өзімнің және отбасымның өміріне төнген қауіптен арылатындай болдым. Амал не, қылмыскерлер де қарап отырмапты, полиция басшылығы істі тергеуге алған Есахаевты лауазымынан алып тастады. Бұл жерде мен жергілікті мафия полициядан да пәрменді екеніне тағы көз жеткіздім. Сәбит маған бірнеше рет прокуратура мен полицияда қаншама іс тындыратынын, тіпті, кадрлық мәселелерді де шеше алатынын айтқан еді», - дейді Н. Тұрманов. Осылайша, әр күні үрей құшағында өтіп жатқан Н. Тұрманов заң орындарының дәрменсіздігіне налиды. Басынан өткен жағдай мен полицияның немқұрайлығы туралы бірнеше республикалық ақпарат құралдары жазса да, істің оңалар түрі жоқ. Өзін жәбірлегендер әлі бостандықта жүр. «Қалалық прокуратура 10 тамызда жолдаған хатында «арызда айтылған жағдайлардың дәлелденбеуіне байланысты қылмыстық істің тоқтатылғанын» айтып отыр. Бұл – күлкілі жағдай. Мені жәбірлегендердің ішкі істер, прокуратура органдарында қолдаушылары бар, туыстары қызмет етеді. Солардың қамқорлығында болған соң олар осылай еркінсиді» дейді Н. Тұрманов. Н. Тұрмановтың айтуынша, Астанаға дейін шағымданып, ақпарат құралдарына жариялағаннан соң «Аппақ Сәбиттің» адамдары қоқан-лоққы көрсетуін қойған. «Алайда, бұл адам өмірі мен денсаулығына қатер төндіріп, ірі көлемде ақша бопсаламақ болғандардың қылығын ақтауға негіз бола ала ма?», - дейді Нұрлан». 

«Қамшы» сілтейді

Пікір айту


  • 1 апта бұрын

    АппақАппақ Сəбитті құзырлы органдар қолдап отса крышасы Искаков Ермекті де құрту керек Искаков Убоп Бастығы боп тұрғанда Аппак Убоп Бастығы Искаковтың кабинетінде Искаковтын компютері арқылы бүкіл Мвд базасына кіріп отыратын еді кімге ОПГ даиындалып жатыр бəрін көріп отырып солардан ақша сындыратын өтірік па Искаков Ермек

  • 1 апта бұрын

    Үсеновтен кейін-ақ мына заңнан не үміт, не қайғы? Анау Сәбитбек өзіне сенімді, шыққан соң ісімді қайтадан жалғастырам дегендей. Кім жазалайды оларды, кімне жүгінуге болады? Елімізде қашан әділдік орнайды? Демім таусылғанша сол әділдікті көріп өтсем екен

  • 1 апта бұрын

    Эи Таимбетов Бағбан саған арқа сүйеген Аппак біраз адамды сындырды ау қанша адамды анаша екен плантацисында жок боп кетті əиелдері арызданғанмен жоқ қып оттын ғои ол үшін қанша адам жертва қылдыңдар ау енді уақыт келе қозғалуда дұрыс жазасын ал соттал сенде ақшаға сатылғансын дар обалдарын жок

    • 23 сағат бұрын

      Алаяк Нурлан жане журналист сымактар... Кандай касиби жалгасып жатыр? Багбан уй камакта отырса калай кызылордага келди? Текей батырдын 350 жылдыгына Багбан калай келди? И сосын алаяк турманов жындыханадан учеттан калай шыкты?

1
Латын әліпбиі әлемдік ақпараттық кеңістікте жетекші орынға ие
23/11 17:00 0 1646
2
ШҚМУ ғалымдары Шығыс Қазақстан географиясының оқулығын шығарды
23/11 16:50 0 1229
3
Суреттен не көрдіңіз? Өзіңіз туралы қызықты мәліметті біліңіз
23/11 16:09 0 86
Украина депутаты Саакашвилиді тікелей эфирде соққыға жықпақ болды (видео)
23/11 16:07 0 264
Мьянма билігі өз қылмысын жасыру үшін Еуро Одақтың ұсынысынан бас тартты
23/11 16:01 0 176

Таныстырылғандар

Қазақстан Үкіметінің өкілі Парижден 65 миллион еуроға пәтер сатып алды
Қазақстан Үкіметінің өкілі Парижден 65 миллион еуроға пәтер сатып алды
Қазақстан Үкіметінің өкілі Парижден 65 миллион еуроға пәтер сатып алды
Сауданың болғанын бельгиялық риелтор де растаған.
15/11/2017 08:28 1 747
«Жыламасын сәбилер» қайырымдылық концертінің баспасөз мәслихаты өтті
«Жыламасын сәбилер» қайырымдылық концертінің баспасөз мәслихаты өтті
«Жыламасын сәбилер» қайырымдылық концертінің баспасөз мәслихаты өтті
Алматы қаласы әкімдігінің қолдауымен 24 қарашада Алатау дәстүрлі театрында «Жыламасын сәбилер» атты қайырымдылық концертін өтеді
15/11/2017 17:56 0 2452
Ғалымдар тұздың адам денсаулығына әсері туралы жаңа деректі жария етті
Ғалымдар тұздың адам денсаулығына әсері туралы жаңа деректі жария етті
Ғалымдар тұздың адам денсаулығына әсері туралы жаңа деректі жария етті
Тұзды көп мөлшерде пайдаланатын адамдарда да бактрия азайып 17-ші типті  T жасушасы көбейеді
16/11/2017 10:37 0 2257
Алматы әкімі қаланың арық желілерін салу және қайта жасау барысын тексерді
Алматы әкімі қаланың арық желілерін салу және қайта жасау барысын тексерді
Алматы әкімі қаланың арық желілерін салу және қайта жасау барысын тексерді
Алматы әкімі бөктерлі жерлердің ылдилы учаскелерін нығайту және қаланың арық желілерін қайта жасау жұмыстарының барысын тексерді
16/11/2017 13:33 0 1312
Жасұлан Әбдіхалық Jambyl телеарнасының директоры қызметіне тағайындалды
Жасұлан Әбдіхалық Jambyl телеарнасының директоры қызметіне тағайындалды
Жасұлан Әбдіхалық Jambyl телеарнасының директоры қызметіне тағайындалды
Жасұлан Әбдіхалық Jambyl облыстық телеарнасының директоры қызметіне тағайындалды.
17/11/2017 15:00 0 718
«Хизб ут-Тахрир-ға» мүше Әбдірахмановқа қатысты тағы бір сот ісі басталды
«Хизб ут-Тахрир-ға» мүше Әбдірахмановқа қатысты тағы бір сот ісі басталды
«Хизб ут-Тахрир-ға» мүше Әбдірахмановқа қатысты тағы бір сот ісі басталды
Қамауда отырған 39 жастағы Берік Әбдірахмановтың үстінен қылмыстық-атқару мекемесі әкімшілігіне бағынбаған деген айыппен қозғалған іс бойынша сот басталды.
18/11/2017 12:26 0 1955
Үндістандық  сұлу «Әлем аруы-2017» атағына ие болды (видео)
Үндістандық сұлу «Әлем аруы-2017» атағына ие болды (видео)
Үндістандық сұлу «Әлем аруы-2017» атағына ие болды (видео)
Үндістандық ару жеңіске жетті
19/11/2017 11:28 0 1034
Ерлан Қарин: Атамбаев президенттігі нашар нәтижемен аяқталды
Ерлан Қарин: Атамбаев президенттігі нашар нәтижемен аяқталды
Ерлан Қарин: Атамбаев президенттігі нашар нәтижемен аяқталды
Бүгін Бішкекте Алмазбек Атамбаев президенттігінің нәтижесі жарияланған қорытынды баспасөз мәслихаты болды.
20/11/2017 16:12 22 1940
NASA Жердің соңғы 20 жылда қалай өзгергенін көрсетті (видео)
NASA Жердің соңғы 20 жылда қалай өзгергенін көрсетті (видео)
NASA Жердің соңғы 20 жылда қалай өзгергенін көрсетті (видео)
Видеороликті жасау барысында 1997 жылы түсірілген спутниктік түсірілімдер пайдаланылған.
20/11/2017 16:27 0 1494
Жүрегіміз барады-ау тасқа айналып
Жүрегіміз барады-ау тасқа айналып
Жүрегіміз барады-ау тасқа айналып
Туа салып тауқымет тартатындай. Не жазығы бар еді,
20/11/2017 17:07 0 372
Кенияның Жоғарғы соты президент сайлауын мойындады
Кенияның Жоғарғы соты президент сайлауын мойындады
Кенияның Жоғарғы соты президент сайлауын мойындады
Кенияның Жоғарғы соты дүйсенбіде өткен айдағы президенттік сайлаудың барлық конституциялық талаптарға сай келетініне келісіп, жеңісін мойындады.
20/11/2017 17:34 0 328
Путин Трамппен телефон арқылы сөйлеседі
Путин Трамппен телефон арқылы сөйлеседі
Путин Трамппен телефон арқылы сөйлеседі
Ресей Түркия, Иран, Ирак, АҚШ, Мысыр, Сауд Арабиясы және Иордания елдерімен бірлесіп белсенді жұмыстар атқаруда.
21/11/2017 13:26 0 410
Мəтуриди сенім мектебі – Тəуелсіз Қазақстанның рухани жаңғыру кепілі
Мəтуриди сенім мектебі – Тəуелсіз Қазақстанның рухани жаңғыру кепілі
Мəтуриди сенім мектебі – Тəуелсіз Қазақстанның рухани жаңғыру кепілі
Орта Азия жəне қазақ топырағы сонау көне заманнан мəдениет пен өркениет ошағы болғандығы баршамызға мəлім.
21/11/2017 14:44 0 433
Құрылысшы зары: Жарты жыл өтсе де,  ЭКСПО құрылысынан жалақымыз әлі жоқ
Құрылысшы зары: Жарты жыл өтсе де, ЭКСПО құрылысынан жалақымыз әлі жоқ
Құрылысшы зары: Жарты жыл өтсе де, ЭКСПО құрылысынан жалақымыз әлі жоқ
Сәуір айынан бастап жалақысын сұрап жүрген құрылысшылар «Эстетика Мрамор» компаниясының табалдырығын тоздырды.
23/11/2017 11:52 1 395
Дәрігер көмегін бір сағат күткен  бейкүнә бала
Дәрігер көмегін бір сағат күткен бейкүнә бала
Дәрігер көмегін бір сағат күткен бейкүнә бала
Аурухана әкімшілігі Базильдің әкесінен кешірім сұрап, көңіл айтуда
23/11/2017 15:27 0 69