Алматы қаласында 264 түрлі өнім талапқа сай келмеді

Алматы қаласының Өңірлік коммуникциялар қызметінде өткен брифинг барысында Алматы қаласы Қоғамдық денсаулық сақтау департаментінің басшысы Айзат Молдағасимова сараптама қорытындысы бойынша 264 сынама (10,1%) қолданыстағы заңнаманың талаптарына сай келмейтіндігін айтты.

Олар:

- тамақ өнімдері – 2048 сынаманың 213-і (10,4%),

- балаларға арналған тауарлар - 84 сынаманың 16-сы (19%);

- ойыншықтар - 81 сынаманың 17-і (21%);

- химиялық, мұнай-химия және тұрмыстық бұйымдар – 127 сынаманың 6-ы (4,7%);

- жеңіл өнеркәсіп өнімдері – 20 сынаманың 8-і (40,0%)

Азық-түлік өнімдерінің (бөтелкедегі құйылмалы су, нан-тоқаш өнімдері, алкогольсіз сусындар), парфюмерия мен косметика, баспа өнімдерінің жекелеген түрлеріне жүргізілген сараптама нәтижелері сәйкес келмеулерді анықтаған жоқ.

Сәйкес келмейтін өнімдер келесі сауда алаңдарында сатылды: «Алма РС» ЖШС, Мырзабеков ЖК «Нұрлы» дүкені, «Снеть-Ят Минисо» дүкені, «Гермес Трейд» ЖШС, «Реалист» дүкені, «Хан Тәңірі» дүкені «Алма» ЖК, супермаркет «Назере» Мусаев А. ЖК, «MINISO» дүкені, «DAEHO» дүкені ЖШС, «Бахтияр» шағынмаркеті және т.б.

– Ішкі өндіріс өнімдері сәйкес еместігі бойынша алғашқы қатарда келеді, нақтырақ айтқанда 12,8% пайыз көрсеткішті және 3 шет елдік өндіріс 11,1% пайыз көрсеткішті құрады. Бұзушылықтардың ең көп көрсеткіші таңбалаудың сәйкес келмеуіне – 72% (2016 жылы 67%), микробиологиялық көрсеткіштерке сәйкес келмеуі бойынша 30% өткен жылмен салыстырғанда 31% тең, – деп хабарлады Айзат Молдағасимова.