21 Ақпан, 2018 NEWS
Алматы облысында жолдарды жөндеуге жыл сайын 25 млрд теңге бөлінеді
Жалпы Алматы облысындағы автокөлік жолдарының ұзындығы 9334 шақырым болса, соның 6788 шақырымы – жергілікті маңыздағы жолдар.
Облыстық және ауылішілік жолдарды жөндеуге жергілікті бюджеттен жыл сайын 25 млрд теңгеден астам қаржы бөлініп, жергілікті жолдардың 78%-інің жағдайы біршама жақсарды. Бұл туралы облыс әкімі Амандық Баталовтың тұрғындар алдындағы есеп беру жиынында айтылды, - деп хабарлайды Qamshy.kz ақпарат агенттігі Алматы облысы әкімінің баспасөз қызметіне сілтеме жасап.
«Нұрлы жол» бағдарламасының аясында әлемдік заманауи стандарттарға сәйкес «Батыс Еуропа – Батыс Қытай», «Алматы – Талдықорған» автокөлік жолдары жасалды. Өткен жылдың өзінде ғана көлік қызметінің көлемі 10%-ға өсіп, 500 млрд теңгеге жеткен.
Осы жылы «Талдықорған-Өскемен», «Үшарал-Достық», «Ұзынағаш-Отар», «Күрті-Бурылбайтал» автокөлік жолдарының құрылысы басталып, соның нәтижесінде өңірдің транзиттік әлеуеті бұрынғыдан да арта түспек.
Жалпы Алматы облысындағы автокөлік жолдарының ұзындығы 9334 шақырым болса, соның 6788 шақырымы – жергілікті маңыздағы жолдар.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір