Террористер ғимаратта 18 минут болған

Shot телеграм-арнадағы мәлімет бойынша, террористер ғимаратта 18 минут болған. Сағат 19.55-те "Крокус" ғимаратының алдына "Рено Симбол" тоқтап, ішінен автомат асынған террористер шығып, ғимаратқа қарай жүгіріп, адамдарға оқ жаудырып, күзетшілерді атып тастаған. 

20:03-ке таман террористер концерт залының көрермендер отырған залына кіріп, алдынан шыққан адамдарды атып, креслоларды өртей бастайды. Шабуыл жасаған адамдарда бензин болған. Террористерден қашып құтылған адамдар терезелерді сындырып, ғимараттан қаша бастаған. 20:13-те ақ "Рено Симбол" мінген төрт қаскөй "Крокустың" көлік тұрағынан кеткен.