Зимбабве президент сайлауында Эммерсон Мнангагва жеңіске жетті

Зимбабве президент сайлауында Эммерсон Мнангагва жеңіске жетті, деп хабарлайды Qamshy.kz ақпарат агенттігі шетелдік БАҚ-тың дерегіне сүйеніп. 

Зимбабвені 20 жыл басқарған Роберт Мугабе отставкаға кеткен соң елде тұңғыш рет парламент және президент сайлаулары өткізілді. Мнангагва сайлауда 50,8% дауыс жинаса, оның басты қарсыласы Нельсон Чамизді сайлаушылардың 44,3%-ы жақтаған.

«Зимбабве африкалық ұлттық одағы» партиясының басшысы Эммерсон Мнангагваны 2,46 миллионға жуық адам қолдаған. Ал оппозиция өкілдері сайлау нәтижелерінің әділ өткеніне күмән келтіріп, байбалам салып отыр. Мнангагва сайлаушылардың жартысынан астамының даусын жинағандықтан, сайлаудың екінші турын өткізуге мүмкіндік жоқ..