04 Маусым, 2018 Оқиғалар
Жұмбақ жағдайда қаза тапқан сұлулық байқауының жеңімпаздары (фото)
Сұлулық байқауларының жеңімпаздары бірден жұрт назарына ілігеді. Атақ пен даңқ, табысқа жетеді, алайда ол атақ ештеңеге кепілдік бере алмайды.
"Missis World-2018" атанған қырғызстандық Сания Шакирова Қырғызстанда жол апатынан қайтыс болды. Бұл жайында тележүргізуші Ассоль Молдокматова хабарлады.
Апат Балықшы – Ананьево – Қаракөл тасжолында болған. Такси жүргізушісі көлікті басқара алмай, мазардың қабырғасына барып соғылған. Көлікте үш адам болған. Шакирова оқиға орнында бірден көз жұмған. Ал қалған екі адамның өмірі үшін дәрігерлер күресіп жатыр.
Сұлулық байқауларының жеңімпаздары бірден жұрт назарына ілігеді. Атақ пен даңқ, табысқа жетеді, алайда ол атақ ештеңеге кепілдік бере алмайды. Тіпті өміріне де. Өкінішке қарай сұлулық байқауларының жеңімпаздары жұмбақ жағдайда жиі қаза табады.
22 жасында көз жұмған
Өткен жылдың шілдесінде 22 жастағы Жібек Нукеева ұзақ уақыт аурудан кейін қайтыс болған. Ол — "Мисс Қырғызстан" байқауының жеңімпазы. Нукееваның артында 8 айлық баласы қалды. Ол өзінің науқас екенін жүктіліктің жетінші айында білген. Ол әлеуметтік желіде ауруын ашық айтып, күресіп жүргенін жазған.
Өзі ме әлде басқа ма?
Өткен жылдың күзінде қыздар жатақханасында 21 жастағы Келии Нельсонның денесі табылған. Ол «Мисс Альянс», «Мисс Чадрон» атанған және «Мисс Небраск» байқауына дайындалып жүрген.
Полиция бойжеткен өзін өлтірді деп шешім қабылдаған. Қылмыстық іс қозғамаған.
2010 жылдың жазында Мумбайда 37 жастағы сәнбике Вивека Бабаджаның денесі пәтерден табылған. Ол «Әлем аруы – Маврикий-1993» пен «Miss Universe – Маврикий-1994» байқауларының жеңімпазы болған.
2016 жылдың тамызында «Әлем аруы-2016» байқауының финалына шыққан 17 жастағы Элис Миллер-Кеннеди жантүршігерлік жола аптынан көз жұмған.
Бойжеткеннің көлігі басқа көлікпен соқтығысып, ауруханаға түседі. Әлемнің түпкір-түпкірінен бойжеткеннің еміне ақша жіберілгенімен, дәрігерлер оны аман алып қала алмайды.
Өлтіруге адам жалдаған
1996 жылы «Ресей аруы» байқауын 16 жастағы Александра Петрова жеңіп алады. Сол сәттен бастап үлкен танымалдылыққа ие болған бойжеткенге Голливудта жұмыс істеу ұсынылады. Жан-жақтан келген ұсыныстарды қабылдамаған ару Константин Чувилин есімді кәсіпкерге тұрмысқа шыққалы жүреді. Бір күні автокөліктен түсіп, пәтерге көтеріле бергенде арнайы жалданған қылмыскер жастардың алдынан шығып, Александраға оқ атады. 20 жасқа толуына 2 күн қалғанда бойжеткен ауруханаға барар жолда көп қан жоғалтып, көз жұмады.
Қате тапсаңыз, қажетті бөлікті таңдап ctrl+enter басыңыз.
Ұсынылғандар
Пікір қалдыру
пікір