• USD 468.56

  • EUR 497.56

  • RUB 7.3

  • CNY 67.18

28 Наурыз, 18:43:58
Алматы
+35°

23 Қыркүйек, 2018 NEWS

Ұшақта ішіп алып, шу шығарған вице-министр жұмыстан қуылды (фото)

Бұған дейін Оңтүстік Корея әуежайында Алматыға баратын ұшақтан жолаушыларды түсуге мәжүр еткен.

Сеул әуежайында Алматыға Air Astana әуе компаниясы жолаушылар ұшағының кестедегі уақытынан кешігіп ұшуына кінәлі болған Қырғызстан еңбек және әлеуметтік даму министрінің орынбасары Зууракан Каденова қызметінен босатылған. Каденованы отставкаға жіберу туралы өкімге Қырғызстан премьер-министрі Мухаммедкалый Абылгазиев қол қойған деп хабарлайды Qamshy.kz ақпарат агенттігі Азаттықтың дерегін негізге алып. 

Вице министр

Бұған дейін Оңтүстік Корея әуежайында Алматыға баратын ұшақтан жолаушыларды түсуге мәжүр еткен. Қырғыз парламентінің депутаты Аида Исмаилова Facebbok әлеуметтік желісіндегі парағында жолаушылар ұшағы «біздің бір министрлігіміздің жоғары лауазымды шенеунігін қатты мас күйінде ұшақ салонынан түсіре алмағандықтан» кестедегі уақытынан кешіккен деп жазған.

Қырғызстанның Оңтүстік Кореядағы елшісі Кылычбек Сұлтанов ұшақта Зууракан Каденованың болғанын растады.

"Елшілікке дипломатиялық паспорты бар азаматымыздың ұшақта мас күйінде болғаны және ұшақтар түскісі келмегені туралы ақпарат түсті. Консул мен тағы бір қызметкеріміз әуежайға шықты. Бір-екі сағатта олар әуежайға жеткен. Ол ұшақтан түспей отырып алғандықтан, оларға жолаушылардың бәрін түсіріп, қайта тіркеуден өткізуге тура келген. Ұшақ кешігіп ұшқан", - деп хабарлады Кылычбек Сұлтанов.

Қырғызстан президенті аппараты баспасөз қызметінің жетекшісі Толгонай Стамалиева Facebook әлеуметтік желісіндегі парақшасында бүгін өзіне Сеулдегі оқиғаға байланысты журналистер хабарласып, Каденованың президент Сооронбай Жээнбековке қатысы туралы сұрағанын айтты. «Ол [Каденова] президенттің туысы емес екенін ресми түрде хабарлаймыз», - деген Стамалиева.

Алматы әуежайының ресми сайтындағы ақпаратта Air Astana әуе компаниясының K-910 рейсі Сеул әуежайынан кешігіп келгені айтылған. Ұшақ Алматыға кестеде көрсетілгендей жергілікті уақытпен 16:45 кезінде емес, 18:07-де қонған.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір