• USD 468.56

  • EUR 497.56

  • RUB 7.3

  • CNY 67.18

29 Наурыз, 09:26:22
Алматы
+35°

20 Наурыз, 2019 NEWS

Тоқаев мәлімдеме жасады

2019 жылғы 20 наурызда 9.00-де Қазақстан Республикасы Орталық сайлау комиссиясының отырысы болды, онда үш мәселе қаралды:

Қазақстанның Орталық сайлау комиссиясы Қасым-Жомарт Тоқаевтың өкілеттігі туралы мәлімдемені жариялады, деп хабарлайды Qamshy.kz ақпарат агенттігі ОСК баспасөз қызметіне сілтеме жасап. 

2019 жылғы 20 наурызда 9.00-де Қазақстан Республикасы Орталық сайлау комиссиясының отырысы болды, онда үш мәселе қаралды:

1) Қазақстан Республикасының президенті Н.Ә. Назарбаевтың өкілеттігін мерзімінен бұрын тоқтату туралы;

2) Қазақстан Республикасы Парламенті Сенатының депутаты Қ.К. Тоқаевтың өкілеттігін тоқтатуға әкелетін негіздің туындағаны туралы;

3) Қазақстан Республикасының президенті өкілеттігінің Қ.К. Тоқаевқа көшкені туралы.

"Конституцияның 42-бабының 3-тармағына сәйкес республика президентінің өкілеттігі жаңадан сайланған республика президенті қызметіне кіріскен кезден бастап, сондай-ақ президент қызметінен мерзімінен бұрын босатылған жағдайда тоқтатылады.

Конституциялық Кеңестің 2019 жылғы 15 ақпандағы № 1 қаулысы бойынша Қазақстан Республикасы президентінің конституциялық мәртебесінен оның өз еркін білдіруіне сәйкес өкілеттігін тоқтату құқығы туындайды. Ол мемлекет басшысының өкілеттігін мерзімінен бұрын тоқтатуға дербес негіз болып табылады. Тиісті қаулы қабылданды.

Конституцияның 48-бабына сәйкес Қазақстан Республикасының президенті қызметінен мерзімінен бұрын босаған жағдайда ҚР президентінің өкілеттігі қалған мерзімге Парламент Сенатының төрағасына көшед", - делінеді хабарламада.

Өзіне республика президентінің өкілеттігін қабылдаған тұлға тиісінше Сенат Төрағасының өкілеттігін доғарады. Тиісінше, № 885 Жарлықтың 2-тармағымен президенттің өкілеттігі қалған мерзімге сенат төрағасы Қасым-Жомарт Кемелұлы Тоқаевқа көшетіні көзделді.

"Осыған байланысты Конституцияның 48-бабының 1-тармағын және  «Қазақстан Республикасының Парламенті және оның депутаттарының мәртебесі туралы» КЗ нормаларын басшылыққа ала отырып, ОСК Сенат депутатының өкілеттігін тоқтатуға әкелетін негіздің туындағаны туралы қаулы қабылдап, Парламент Сенатына тиісті ұсыным енгізді", - делінеді хабарлама мәтінінде.

ҚР Орталық сайлау комиссиясының қаулылары Қазақстан Республикасының Конституциясына, «Қазақстан Республикасының Президенті туралы» Қазақстан Республикасының Конституциялық Заңына сәйкес, «Қазақстан Республикасы Президентінің өкілеттігін атқару туралы» ҚП президентінің 2019 жылғы 19 наурыздағы № 887 Жарлығы негізінде қабылданды.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір