• USD 468.56

  • EUR 497.56

  • RUB 7.3

  • CNY 67.18

28 Наурыз, 23:14:25
Алматы
+35°

24 Қаңтар, 2019

Тез тіл табысуға көмектесетін Карнегидің 30 кеңесі

Сіздің айтқаныңызды өзгелер құлшыныспен орындай алатындай болсын.

Біз қарама-қайшылыққа толы әлемде өмір сүреміз. Күнделікті қызмет бабында, жеке өмірде, достармен қарым-қатынас барысында пікірлер қайшылығы, өзара түсініспеушіліктер туындап жатады. Кикілжің мен келіспеушіліктің салдарынан психологиямызға, сондай-ақ өзара қарым-қатынасқа сызат түсуі де ғажап емес. Атақты америкалық психолог Дейл Карнеги біз күнделікті өмірде тап болатын қиындықтан шығудың тиімді жолдарын зерттеген. Қазіргі таңда қаншама адамның ортасында жүрсе де өздерін жалғыз сезінетіндер көп. Qamshy.kz ақпарат агенттігі оқырман назарына Карнегидің "Қалай дос табуға болады және адамдарға ықпал ету жолдары" атты кітабында жазылған негізгі қағидаларын ұсынады. Ондағы кеңестер сізге өз өміріңізді қалыпқа келтіруге немесе мүлде өзгертуге себеп болуы мүмкін.

Дейл Карнегидің өмірі жайлы деректер мен өзге де қағидаларын бұған дейін де жариялаған едік.

Бақытты өмірді зерттеген танымал психологтың "бақытсыз" өлімі

Қалай дос табуға болады: Дейл Карнегидің негізгі принциптері.

  1. Сынамаңыз, айыптамаңыз, шағымданбаңыз.
  2. Адал әрі шынайы бағалаңыз.
  3. Өзге адамдардың қызығушылығын оята біліңіз.
  4. Өзгелерге қызыға біліңіз.
  5. Күлімдеңіз.
  6. Адам үшін оның өз есімі – кез келген тілде ең керемет, ең жағымды дыбыс екенін есте сақтаңыз.
  7. Өзгелерді тыңдай біліңіз. Оларды сіз туралы айтуға ынталандырыңыз.
  8. Жаныңыздағы адамға қызық болатын әңгіме айтыңыз.
  9. Кикілжіңді шешуде алда болудың жолы – оны болдырмау.
  10. Жаныңыздағы адамның пікіріне сыйластықпен қараңыз. Ешқашан оның ойын жоққа шығармаңыз.
  11. Егер қателік жіберіңіз, тез арада түзету керек.
  12. Бастапқы сәттен-ақ, достық ниет білдіріңіз.
  13. Әңгімелесу кезіндегі уақыттың көп бөлігінде жаныңыздағы адамның сөйлеуіне мүмкіндік беріңіз.
  14. Жағдайға өзгелердің де көзқарасымен қарауға тырысыңыз.
  15. Өзгелердің сезімі мен пікіріне түсіністікпен қараңыз.
  16. Саналы мотивке шақырыңыз.
  17. Өз ойыңызды әсерлі етіп жеткізіңіз.
  18. Бірінші қадам жасауға дайын болыңыз.
  19. Әңгімені мақтаудан бастаңыз.
  20. Басқалардың қателігін жанамалап жеткізе біліңіз.
  21. Бірінші өз қателіктеріңізді талдап, содан кейін ғана өзгелерді сынаңыз.
  22. Басқаларға бұйрық емес, сұрақ қойыңыз.
  23. Өзгелердің өзін ақтауына мүмкіндік беріп көріңіз.
  24. Басқалардың кішкене болса да жеткен жетістігін мақтап, әр ісін құптап отырыңыз. Өзгелерге өзіңізді жомарт адам ретінде көрсетіңіз.
  25. Басқа адамдарға өз беделін қалыптастыруына жағдай жасаңыз.
  26. Басқалар өз қателігінін түзете алатынына сеніммен қараңыз.
  27. Сіздің айтқаныңызды өзгелер құлшыныспен орындай алатындай болсын.
  28. Жаныңыздағы адам өзінің маңыздылығын ұғынуына шынайы ниет танытыңыз.
  29. Сіздің сұрағыңыз бірден «иә» деп жауап беретіндей болсын!
  30. Сізбен әңгімелескен адам өзінің пікірі расымен құнды екенін түсінуі керек. 

Карнегиден кеңес: Танымал психологтың бойыңыздағы мазасыздықты жоюға арналған қағидалары

Балжан Халық

Автормен оның Facebook парақшасы арқылы хабарласуға болады.

Жазылыңыз

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір