• USD 468.56

  • EUR 497.56

  • RUB 7.3

  • CNY 67.18

29 Наурыз, 00:13:33
Алматы
+35°

01 Сәуір, 2019 Дін

Сәуір жаңбырының пайдасы жайлы таралған мәлімет рас па?

Ал жоғарыдағы мәлімет көбінесе "ШИИЗМ" ағымы өкілдерінің кітаптарында орын алған.

Әлеуметтік желілердің бірінде кеңінен таралып кеткен төмендегі хатты сауал ретінде жолдаған оқырманға islam.kz сайты жауап берді деп хабарлайды Qamshy.kz ақпарат агенттігі.

"Сәуір жаңбырының пайдалары... Сулардың ішіндегі ең таза су –сәуір жаңбыры. Сәуір жаңбырында суланған киім шірімейді, шаштар төгілмейді, әсіресе оқылған сәуір жаңбыры Алланың рұқсатымен қояншық ауруына шипа болады, психологиялық ауруларға дауа, тән ауруларына қарсы көп пайдалы... Сәуір жаңбырына оқылатын дұға мен сүрелер. 1) Салауат шәріп 70 рет. 2) Истиғфар шәріп 70 рет. 3) Фатиха шәріп 70 рет. 4) Әятүл Күрсі 70 рет. 5) Ләқад жә-әкум (аятын соңына дейін) 70 рет. 6) Ясин шәріп 1 рет. 7) Әләм Нашрах ләкә 70 рет. 8) Инна Әнзәлнәһу 70 рет. 9) Кафирун суресі 70 рет. 10) Ихлас сүресі 70 рет. 11) Фәлақ сүресі 70 рет 12) Нас сүресі 70 рет. 13) Субханаллаһи Уәлхамду лилләһи (тәсбих дұғасы) 70 рет. 14) Лә Хаулә уа лә қууата иллә билләһил алийл азим 70 рет. 15) Салауат шәріп 70 рет. Егер осы дұғаларды өзі оқи алмай жатса, қатесіз оқи алатын кісілерге оқытады..." Мына мәлімет whatsapp-та таралып жатыр. Осы мәлімет қаншалықты рас?

Алғашқы жауған жаңбырдың пайдасына ишара еткен Пайғамбар (с.ғ.с.) хадисі бар. Сахаба Әнәс ибн Мәліктің айтуы бойынша, олар Пайғамбармен (с.ғ.с.) бірге жүрген күндердің бірінде жаңбыр жауады. Сонда Алла елшісі жауған жаңбыр денесіне тисін деп, көйлегін шешкен екен. Неге олай еткенін сұраған сахабаларға Ол (с.ғ.с.): "Бұл жаңбыр - Раббымнан жаңа келуде", яғни, "Жаратушы Алланың жаңа жаратқан несібе-берекеті" деп жауап берген. (Сахих, Муслим)

Осыған орай Имам Нәуәуи (ер кісінің) әурет жеріне дейін (белге дейін) көйлегін шешіп, алғашқы жауған жаңбыр суын денесіне тигізуі мұстахаб деген.

Ендеше, көктемде жауған алғашқы жауынды теберік деп біліп, онымен денесін жуса немесе ауасы таза жердегілер оны ішсе, ағаттығы болмас

Алайда, дәл "сәуір айындағы жауынға" байланысты нақты риуаят кездестірмедік. Ал жоғарыдағы мәлімет көбінесе "ШИИЗМ" ағымы өкілдерінің кітаптарында орын алған. Олардың берген діни мәліметі бізге негіз бола алмайды.

Ұсынған: Мақпал Сембай

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір