27 Қаңтар, 2019 Спорт
Садриддин Ахмедов: Жеңісімді қазақтың көз жасына арнаймын (видео)
Жерлесімізді жеңісімен құттықтаймыз!
Бүгін кәсіпқой бокста Садриддин Ахмедов бірінші орта салмақта WBC жастар чемпионы атанды. Өзін «нағыз қазақпын» деп есептейтін Ахмедов бос тұрған белбеуге жекпе-жекте мексикалық Абрахам Хуарестен айласын асырды. Мықтының аты мықты ғой, Канаданың Монреаль қаласындағы өткен кездесу 10 раундқа жоспарланған еді. Бірақ жеңімпаз төртінші раундта анықталды. Мексикалық боксшы екі рет нокдаунға түскеннен кейін төреші кездесуді тоқтатты.
Садриддин Ахмедов осымен кәсіпқой бокстағы жетінші кездесуін өткізіп отыр. Ол 2018 жылы дебют жасап, қарсыласын бәрін уақытынан бұрын жеңгені белгілі.
♦«Шойын қолғап» Садриддин – Мәулет Мұстафиннің шәкірті
Ал әуесқой бокста Ахмедов 2016 жылы жастар арасындағы әлем чемпионатында жеңімпаз болған. Оның мүддесін Eye of the Tiger Management атты канадалық промоутерлік компания қорғайды. Сонымен Канада жерінде өткен кездесуде жерлесіміз Садриддин Ахмедов тағы да мықтылығын көрсетті.
Жасаған берген, жүрегі "қазақ" деп соққан бауыр "Жеңісімді қазақтың көз жасына арнаймын" деді". Бұдан артық не деу керек?!
Жерлесімізді жеңісімен құттықтаймыз!
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір