Сәбилі болған әкелерге бір апта демалыс берілмек

Ұсынылған заң жобасына сәйкес, бала туғаннан жарты жыл ішінде бір апталық демалыс алуға болады.

Чехия парламентінің депутаттары сәбидің өмірге келуіне байланысты әкелерге бір апталық демалыс беру туралы заңнамаға түзетулер енгізді, жалақысының 70%-ы сақталады, деп хабарлады РИА Новости.

"Бала дүниеге келгеннен соң жарты жыл ішінде жас әкелер бір апталық демалыс ала алады және жалақыларының 70%-ы  сақталатын болады. Заңға енгізілген түзетудің мақсаты – әкелерді бала күтіміне ат салысуға ынталандыру", — делінген хабарламада.

Заң жобасы жоғары палатада талқыланып, содан кейін президенттің қол қоюына жіберіледі.