Ресей ғалымдары кәрілікті жеңуге болатынын дәлелдеді

Қазіргі адамдардың барлығы қартайғысы келмейді,әсіресе әйелдер. Косметологтардың арқасында беттегі кәріліктің алғашқы белгілерін жасыруға мүмкіндік туды. Бірақ ол белгілерді ұзақ уақыт бойы жасырып тұра алмаймыз. Сол себепті ғалымдар кәрілікті қалай жоюға болады деген сұраққа жауап іздеу үшін осыған дейін біраз тәжірибелер жүргізіп келген болатын.

Ресейлік ғалымдар ұйқы гармоны арқылы кәріліктің алдын алуға болатынын дәлелдеді деп хабарлайды Қамшы ақпараттық агенттігі. Ұйқы гармоны арқылы адамның бет терісіне әсер етіп, кәріліктің алдын алуға болады екен.

«Кәріліктің алдын алуға мелатонин көмектеседі. Мелатонин дегеніміз біз жақсы көретін ұйқы. Ұйқы гармоны әсері өте күшті болып келетін, табиғи антиоксидант.»,- дейді дарынды ғалымдардың басшысы Олег Крестин.

Дайындаған: Әсел Өтешова