ҚМДБ: Мьянма мұсылмандарына жасалған қасіретті қатаң айыптаймыз

Ресми деректерге сәйкес, Мьянмада 400-ге жуық адам көз жұмған. Мьянмадағы рохинджа мұсылмандары түрлі азаптаулардан көз жұмды, елден қашуға мәжбүр болды. Осыған қатысты ҚМДБ неге үнсіз дегендер де болды. Бұл туралы Qamshy.kz-те материал жариялаған еді.

Жақында ҚМДБ Мьянмада орын алған қайғылы оқиғаға байланысты қатты алаңдаушылық білдіретінін жеткізді. 

Жергілікті тұрғындарға жасалған қасіретті қатаң айыптайды деп хабарлайды ақпарат агенттігі ҚМДБ баспасөз қызметіне сілтеме жасап.

400-ден астам адамның өмірін қыршыннан қиған қасіретті оқиға әлемнің әр түкпіріндегі мұсылман жұртының ғана емес барша адамзаттың алаңдаушылығын тудыруда. 

Алла Тағала қасиетті Құранда: «Жазықсыз бір адамның қанын төгу – жер бетіндегі бүкіл адамды өлтіргенмен бірдей», – деп ескерткен. Алланың күллі адамзатқа жіберген бұл ашық ескертуін ұмытпауымыз керек.

Жаратушы Иеміз барша адамзат баласына мейірім-шапағат, бейбіт өмір, ынтымақ, сабыр берсін!