28 Тамыз, 2018 Экономика
Қазақстанның мемлекеттік қарызы 15 триллион теңгеге жетті
Соңғы 5 жылда мемлекеттік қарыз 4 есе өскен.
Қазақстанның қарызы 22% көбейіп 15 триллион теңгеге жетті, деп хабарлайды Qamshy.kz ақпарат агенттігі finprom.kz-ке сілтеме жасап.
Қазақстанның мемлекеттік қарызы 2018 жылдың маусым айының есебі бойынша 14,8 трлн теңгеге жетті. Бұл көрсеткіш – былтырмен салыстырғанда (12,1 трлн теңге) 21,9% көп.
Елдің қарызы мемлекеттік қарыздан тұрады. Ол 14,2 трлн теңге (өсім - 20%). Кепілденген қарыз - 523 млрд теңге (өсім - 2,2%) және мемлекет кепіл болған ішкі қарыз - 37,8 млрд теңге (өзгеріссіз).
Мемлекеттік қарыз ҚР үкіметінің ішкі қарызының есебінен көбейген. Бір жылда ол 30,6%, яғни 4,4-дан 5,8 трлн теңгеге артқан. Сыртқы қарыз 4,7% немесе 210 млрд теңгеге көбейген.
Соңғы 5 жылда мемлекеттік қарыз 4 есе өскен. Орташа есеппен қарыздың көлемі жылда 28,8% көбейіп отыр.
Барлық сала бойынша мемлекеттік шығын 9,6% немесе 449,1 млрд теңгеге артты.
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір