"Қайраттың" ойынын көремін" деп арыз жаз да стадионға кет"

Жұмыстан ерте шығып сүйікті футбол командаңыздың ойынын тамашалағыңыз келсе, алайда бастықтан сұрану қиындық тудырса «Қайрат» футбол клубы директорының қолы қойылған қызметтік хатты ФК сайттан жүктеп алыңыз.

Қызметтік хатта «Қайраттың» жанкүйерлерін жұмыстан ертерек жіберуді сұраған.

Естеріңізге сала кетейік, 19 шілде де Еуропа Лигасының матчы өтеді. Матч сағат 19.00-де басталады. Орталық стадионға бір сағат бұрын барған абзал.

Қызметтің хатты жүктеп алу үшін мына сілтеме бойынша өтіңіз.

«Бір де бір басшы сүйікті командаңыздың ойынын стадионда тамашалап, ерекше эмоцияға бөлену мүмкіндігінен айыра алмайды», - дейді «Қайрат» футбол командасы.

Естеріңізге сала кетейік, Андорра-ла-Вельеде алматылық «Қайрат» «Энгорданиді» ойсырата жеңген болатын. Матчтың бірінші раунды 0:3 есебімен аяқталған.