Қанға боялған қала. Мәйіттердің арасында жатып, аман қалған адамның оқиғасы

Мевлудин Орич бір күнде барлық жақындарынан айырылды. 8000 босниялық секілді олар да кескілескен ұрыста мерт болды. Орич мәйіттердің арасында қимылсыз жатып, аман қалды. Содырлар оны өліп қалды деп ойлаған.

«Еуропа Екінші дүниежүзілік соғыс уақытынан бері мұндай сұмдықты көрмеді. Сребреницадағы жағдай адам зат тарихындағы шегіне жеткен қатігездік болды» деді Гаага сотының  судьясы. Одан кейін босниялық сербтер армиясының бұрынғы генералы Ратко Младичуды геноцид пен әскери қылмыс жасады деп айыптап, өмір бойы бас бостандығынан айыру шешімін шығарды. 

«Бүгінгі сот шешімі аталған қылмыстарды жасап жүргендерге ескерту. Олар қаншалықты күшті болса да жазадан қашып құтыла алмайды. Ол үшін ұзақ уақыт қажет болса да бәрібір жазаланады» делінген БҰҰ-ның адам құқықтары жөніндегі  комиссардың мәлімдесінде.