Павлодарда араларды ұясымен тасымалдаған жүк көлігі аударылды

Бүгін таңертең Павлодарда Алюминий зауытына барар жолда араларды ұясымен тасымалдаған КамАЗ аударылды деп хабарлайды Qamshy.kz ақпарат агенттігі pavlodarnews.kz-ке сілтеме жасай отырып.
Облыстық ІІД баспасөз қызметі хабарлағандай, оқиға орнында полиция қызметкерлері жұмыс істеуде.

– Бүгін таңертең КамАЗдың тіркемесі ажыратылып, аударылған. КамАЗ «Мерседес» көлігін жанап өткен. Салдарынан неміс көлігін тізгіндеген азаматты ара шаққан, сонымен қатар бірнеше жүргізуші аралардың шабуылына тап болған. Толық әрі нақты ақпарат арнайы топтың жұмысы аяқталған соң белгілі болады, – деді ІІБ баспасөз қызметкері.