Мектепте хиджаб киюге тыйым салынғанын Сағадиев тағы еске салды

Білім және ғылым министрі Ерлан Сағадиев қазақстандық мектептердегі хиджаб кию мәселесін көтерді.

«Мектеп қабырғасында хиджабпен жүруге тыйым салынады. Позициямыз өзгерген жоқ. Балаларды бөлек оқыту дегенді діни оқыту дегенмен шатастырмаңыздар. Қандай болмасын мектеп бағдарламасы бәріне ортақ. Кез келген пән кез келген мектепте мемлекеттік жалпы білім беру стандартына сәйкес бағдарламалар бойынша жүргізіледі. Бұл бәріне қатысты», -  деді Ерлан Сағадиев Орталық коммуникациялар қызметінің брифингінде.

БҒМ басшысы қоғамның бұл мәселеге түсіністікпен қарайтынына сенеді.