• USD 468.56

  • EUR 497.56

  • RUB 7.3

  • CNY 67.18

29 Наурыз, 14:35:04
Алматы
+35°

22 Мамыр, 2019 Саясат

Кучма Зеленскийге: "Көп сөйлей берме!"

Сондай-ақ, Кучма соғыс пен бейбітшіліктің кілті Ресей президенті Владимир Путиннің қолында екенін жеткізді.

Украинаның бұрынғы президенті Леонид Кучма жаңа қызметіне кіріскен қазіргі президент Владимир Зеленскийге бірнеше кеңес берді деп жазады Qamshy.kz ақпарат агенттігі.

Экс-көшбасшы жаңа президентке аз сөйлеп, көп жұмыс жасауды баса тапсырды. Оның айтуынша, тақта отырған ізашарлары сияқты жаңа президенттің де тілімен орақ орғаны ендігі уақытта халыққа қажет емес.

"Ең бастысы – оның командасының уәде берген дүниелерін жоғары деңгейде орындап шығуы. Бес жыл бұрын да бізге көп уәде берілген еді. Бірақ ол уәделердің орындалғанынан орындалмағаны көп", - деді ол.

Сондай-ақ, Кучма соғыс пен бейбітшіліктің кілті Ресей президенті Владимир Путиннің қолында екенін жеткізді. Украина тарапынан арақатынасты түзеу туралы қандай қарсы ұсыныс болса да, оның көмегі шамалы екен-мыс.

"Өкінішке қарай, Ресей Федерациясының басшылығы бізге қарсы шарт қойғаннан басқа мәмілеге келер түрі жоқ", - деді экс-президент.

Кучма 1994-2005 жылдар аралығында екі мерзім Украинаның президенті болды. Президенттік қызметінің алдында елдің премьер-министрі жұмысын атқарған.

Аударған: Әділет Мәдениет

Әділет Мәдениет

Автормен оның Facebook парақшасы арқылы хабарласуға болады.

Жазылыңыз

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір