12 Наурыз, 2019 NEWS
Каспийде жүздеген шаяндар жағалауға шығып қалған
"Көктемнің келуіне байланысты, қыстан әлсіреп шыққан шаяндар ауа райының әсерінен болған дауылдан жағаға шығып кеткен."
Ақтау қаласы Солдат ауданының жағалауына жүздеген шаяндар шығып қалған деп хабарлайды Qamshy.kz ақпарат агенттігі inAktau.kz сайтының дерегін негізге ала отырып.
Бұл жағдай 2019 жылдың 11 наурыз күні таңертеңгі уақытта орын алған. Маңғыстау облыстық орман және жануарлар дүниесі аумақтық инспекциясының балық аулау бөлімінің бастығы Адисал Шихметовтың айтуынша, бұл құбылыс дауылды ауа-райына байланысты болған.
«Ауа-райының қолайсыздығына байланысты теңіз щаяндарды жағаға шығарып тастаған. Бұл қалыпты құбылыс және олар суға қайта оралады», - деді балық шаруашылығы басқармасының бастығы.
Сондай-ақ, ол 2019 жылдың 1 сәуірінен бастап 15 маусымға дейінгі кезеңде бұл аймаққа қазіргі уақытта балықтардың уылдырық шашатын мезгілі екенін ескере отырып, теңіз балықтарын ұстауға тыйым салды. Құқық бұзушыларға Қазақстан Республикасының Әкімшілік құқық бұзушылық туралы кодексінің 383-бабының 3-бөлігі бойынша (балық аулау және балық ресурстарын және басқа да су жануарларын қорғау ережелерін бұзу) 50 500 теңге (20 АЕК) көлемінде айыппұл салынатындығын ескерте кетті.
Аударған: Фариза Жомартқызы
Қате тапсаңыз, қажетті бөлікті таңдап ctrl+enter басыңыз.
Пікір қалдыру
пікір