Ердоған Ресейден зымыран жүйелерін сатып алмақ

Түркия президенті Режеп Ердоған Ресейден С-400 зениттік-зымыран жүйелерін сатып алу жөнінде келісімге қол қойды, деп хабарлайды Qamshy.kz ақпарат агенттігі.

Бұл туралы Ердоған «Әділет және даму партиясы» парламент фракциясының отырысында айтты. Ресей президенті Владимир Путиннің баспасөз хатшысы Дмитрий Песков аталмыш келісімге байланысты пікір беруден бас тартты.

Бұдан бұрын АҚШ Қорғаныс министрі Джеймс Мэттис ресейлік зениттік-зымыран жүйелерінің НАТО одағымен үйлесімділігіне күмән келтірген.     

Bloomberg агенттігінің мәліметінше, келісім сомасы $2,5 млрд. болуы мүмкін.

С-400 зениттік-зымырандар жүйесі ұшақтар, әуе кемелері, балиистикалық зымыран және өзге де әуе активтерін жоюға арналған.