"ДЦП-ға" шалдыққан Батырбекке досы $1500 жинап, көмек қолын созады(видео)

Біләл мен Батырбектің достығы көпке үлгі боларлық. Олар туралы түсірілген сюжет "Бүгін уақыт. Азия" бағдарламасынан көрсетілген болатын. 78 000 рет тамашаланған аталмыш сюжетті көре отырып, кішкентай баланың дархан көңілі мен жомарттығына риза боласың.  Америкада дүниеге келіп,сол жақта өмір сүріп жатқан Біләл Қырғызстанда тұратын Батырбекпен ғаламтор арқылы танысқан екен. Батырбектің балалардағы церебралды паралич дертіне шалдыққанын білген досы оған қалайда көмектескісі келеді. Сөйтіп ата-анасымен ақылдаса отырып, қаражат іздей бастапты. $1500 жинаған Біләл ақшаны Батырбектің қолына табыстау үшін арнайы Америкадан ұшып келеді. Досына риза болған Батырбек болашақта Америкаға сапар шеккісі келетіндігін айтты.