• USD 468.56

  • EUR 497.56

  • RUB 7.3

  • CNY 67.18

29 Наурыз, 10:26:47
Алматы
+35°

19 Наурыз, 2019 Әлем

Билікті қорлағандар мен фейк жаңалық таратқандар заңмен жазаланатын болады

Адам құқықтары жөніндегі президенттің кеңесі мен басқа да адам құқықтарын қорғау ұйымдары заң жобаларына қарсы шыққан.

Ресей президенті Владимир Путин БАҚ-та "фейк" жаңалықтар үшін айыппұл салу мен бұғаттау, сонымен бірге билік пен мемлекеттік белгілерді интернетте қорлағаны үшін айыппұл салу мен ұстау туралы заңға қол қойды.

Алғашқы құжат интернетте қоғамға маңызы бар жалған ақпаратты шынайы мәлімет ретінде таратуға тыйым салады. Заңды бұзған азаматқа 100 мың рубльге дейін, қызметтегі тұлғаға 200 мыңға дейін, ал заңды тұлғаға жарты миллионға дейін айыппұл салынады. Заңды қайта бұзған заңды тұлғаның айыппұлы бір жарым млн рубльге дейін жетуі мүмкін.

Мемлекеттік белгілер мен билікке тіл тигізгені үшін азаматтар 100 мың рубльге дейін айыппұл төлеп немесе 15 күнге дейін әкімшілік қамауға алынуы мүмкін. Заңды қайта бұзғандарға салынатын айыппұл көлемі 200 мың рубльге дейін өседі.

Заң жобасын Мемлекеттік думаға Заңнама жөніндегі федерация кеңесі комитетінің басшысы Андрей Клишас пен депутаттар Людмила Бокова және Дмитрий Вяткин ұсынды. Құжатты парламент 7 наурызда қабылдады. Кейін оны Федерация кеңесі мақұлдады.

Адам құқықтары жөніндегі президенттің кеңесі мен басқа да адам құқықтарын қорғау ұйымдары заң жобаларына қарсы шыққан.

Ұсынған: Гүлім Жақан

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір