Бразилияда «қанішер» он шақты адамға шабуыл жасап құтырма ауруын жұқтырды

Бразилияның солтүстік-шығысында жарқанаттардың жергілікті тұрғындарға шабуылы орын алған деп хабарлайды Life.ru.
40-қа жуық адам дәрігерге шағымдарымен келген, ал бір адам осы аурудан көз жұмған. Жарқанат шаққан соң 46 жастағы фермерші жарасын жуып қойған. Алайда дәрігерге қаралмаған. Үш апта өткен соң ол өзінің құтырма ауруына шалдыққанын білген. Aуруының алдын алмағандықтан көз жұмды.

Зардап шеккендердің көпшілігі қанішер жарқанаттардың түн уақытында ұйықтап жатқан кезде шағып кеткендіктерін жеткізген.  Мамандардың айтуынша жарқанаттар орман, үңгірлі жерлерде мекендейді. Ал ондай орындардың жойылуы себебінен адамдар мен жауарларға шабуыл жасайды дейді.