Бөріктінің намысы бір немесе Ерлан Қаринге қандай эстафета жолданды?

Бұрынғы өткен заманда,
Дін мұсылман аманда,
... Жиделі Байсын жерінде,
Қоңырат деген елінде
Байбөрі деген бай бопты, - деп басталатын Алпамыс батыр жырының үзіндісін жатқа оқу әлеуметтік желіде кеңінен тарап, талқыланып жатыр. Көпшілігіміз мектеп кезде оқыған бұл жырды жастар арасында кеңінен насихаттау мақсатында танымал жұлдыздар мен зиялы қауым өкілдері эстафета жариялады. 

Бұл эстафета Алматы қаласы Білім басқармасының жалпы жүлде қоры 12 млн теңгені құрайтын  "Тұлпар мініп, ту алған" әдеби-танымдық байқауын жариялағаннан кейін бастау алған болатын.  

Эстафетаны ақын Серік Сейітман бастап, танымал актер Бекжан Тұрысқа жолдады.

 

 

 

Посмотреть эту публикацию в Instagram

 

 

*** "ТҰЛПАР МІНІП, ТУ АЛҒАН" Ұлттық жобасын қолдау мақсатындағы "Алпамыс батыр" жырын оқу эстафетасы. @almaty_akimat @qazaq_epos @serik_seitman @bekzhan_turys @qazaq_epos @akimat_almaty @almaty_inform @almatykz @almaty_news @almaty.today @almaty_til #ҚазақЭпосы #БатырларЖыры #АлпамысБатырЖыры #Эстафета

Публикация от Sерiк Sейiтман (@serik_seitman) 29 Авг 2018 в 5:18 PDT

Кейіннен Бекжан Тұрыс қазақ эстрадасының жарық жұлдызы Сәкен Майғазиевке жолдаған болатын.

 

 

 

Посмотреть эту публикацию в Instagram

 

 

"ТҰЛПАР МІНІП, ТУ АЛҒАН" жобасын қолдау мақсатында, "Алпамыс батыр" жырын оқу эстафетасы! @saken_maigaziyev @almaty_akimat @serik_seitman @dastur_media @qazaq_epos @maral_zhumageldi @aktotyzhumabek @_bk_29 @serik_seitman

Публикация от @ bekzhan_turys 30 Авг 2018 в 4:19 PDT

Алайда Сәкен Майғазиевтің аталмыш бастаманы іліп әкетуге қолы тимей жүр ме, белгісіз, әзірге "Алпамыс батыр" жырын жатқа оқыған видеосын әлеуметтік желіге жариялаған жоқ. 

Кейіннен ақын Қалқаман Сарин бұл эстафетаны жалғап, Жамбыл облысы Ішкі саясат басқармасының басшысы Берік Уәлиге табыстаған болатын.

 

 

 

Посмотреть эту публикацию в Instagram

 

 

"Тұлпап мініп, ту алған" ұлттық жобасын қолдау мақсатындағы "Алпамыс батыр" жырын оқу эстафетасын Шыңғыс Мұқаннан алып, Берік Уәлиге тапсырамын... @shynggys_mukan @berikuali . "ТҰЛПАР МІНІП, ТУ АЛҒАН" жобасын қолдау мақсатында, "Алпамыс батыр" жырын оқу эстафетасы! @almaty_akimat @serik_seitman @dastur_media @qazaq_epos @maral_zhumageldi @aktotyzhumabek @_bk_29 #АлпамысБатырЖыры #Эстафета

Публикация от Қалқаман САРИН (@kalkaman_sarin) 21 Сен 2018 в 4:10 PDT

Осыдан біраз уақыт бұрын ғана жаңа қызметке тағайындалған Берік Уәли өзінің өмірдегі досы Qazaqstan телекорпарациясының басшысы Ерлан Қаринге жолдады. 

 

 

 

Посмотреть эту публикацию в Instagram

 

 

Батырлар жырын жатқа айтудан өтіп жатқан "Тұлпар мініп, ту алған" ұлттық жобасын қолдау мақсатында досым Қалқаман Сарин маған эстафета жолдап, "Алпамыс батыр" жырынан үзінді оқуға шақырған еді. "Алпамыс батыр" өздеріңіз білесіздер өткен дәуірдің салт-санасы, ғұрпы айқын бейнеленген ең көне жырлардың бірі. Мен қазір осы жырдан үзінді оқып, бұл эстафетаны әрі қарай досым Ерлан Қаринге жолдамақпын. @erlankarin Етек-жеңін түрініп, Қынап белін буынып, Тәуекел деп Аллалап, Жолға мойын бұрыпты... Жақындасып келгесін, Елін аман көргесін, Қайғының бәрін ұмытты. Барса елдер дін аман, Малы шықты қорадан. Күңіреніп Қоңырат, Жүгіре шықты алдынан. Есіткен халық қалмады Ханы менен қарадан. Қыз-бозбала, жас-кәрі Қалмапты ешкім қаладан. Кеше кетті десе де Өтіпті он ай арадан БАТЫРЛАР ЖЫРЫН ОҚЫП ЖҮРЕЙІК, ДОСТАР! "ТҰЛПАР МІНІП, ТУ АЛҒАН" жобасын қолдау мақсатында, "Алпамыс батыр" жырын оқу эстафетасы! @kalkaman_sarin @almaty_akimat @serik_seitman @dastur_media @qazaq_epos @maral_zhumageldi @aktotyzhumabek @_bk_29 #АлпамысБатырЖыры #Эстафета

Публикация от Berik UALI (@berikuali) 25 Сен 2018 в 4:43 PDT

Бұл эстафета кітаптан гөрі смартфонға жақын жастар арасында қазақ әдебиетін, жыр-дастандарды насихаттауға өз ықпалын тигізері анық.  

Еске сала кетейік, "Алпамыс батыр" жырын жатқа оқитын 14 жастағы Михаил Шуттың жыр оқып тұрған сәтіндегі видеосы желіде қызу талқыға түскен болатын. Өзге ұлттың баласы қазір Алматы қаласындағы қазақ мектебінде оқиды. Жырды мүдірмей жатқа айтатын Михилге қарап сүйсінесің.  14 жастағы орыс баласы қазақ тілін үйрене алмай жүрген азаматтардың намысын қамшылай түседі деген үміттенеміз.