• USD 468.56

  • EUR 497.56

  • RUB 7.3

  • CNY 67.18

29 Наурыз, 17:51:08
Алматы
+35°

01 Наурыз, 2019

Бердібек Сапарбаев: "150 000 теңге кіріс болса, ешқандай жәрдемақы алмайсыңдар"

Министр атаулы әлеуметтік көмекті дайындау үшін отбасылардың жиынтық табысында да өзгеріс орын алатындығын айтты.

830 мың қазақстандықтың атаулы әлеуметтік көмек алуға мүмкіндігі болады. Бұл туралы бүгін Үкімет отырысында ҚР Еңбек және халықты әлеуметтік қорғау министрі Бердібек Сапарбаев айтты, деп хабарлайды Qamshy.kz ақпарат агенттігі ҚазАқпаратқа сілтеме жасап.

«1 шілдеге дейін ең төменгі күнкөріс деңгейі 14 849 теңге болады. Ал 1 шілдеден бастап ол 20 789 теңгеге көтеріледі. Яғни, егер аталған көмекті осы уақытқа дейін 571 мың адам алып келсе, енді ол 260 мыңға көбейіп, 830 мың қазақстандықтың атаулы әлеуметтік көмек алуға мүмкіндігі болады», - деді министр.

Осы ретте ол бір отбасын мысалға келтіріп, нақты деректермен бөлісті.

«4 балалы жалғызбасты отбасы 1 шілдеге дейін табысы жоқ болғаннан соң 63 мың теңге атаулы әлеуметтік көмек алатын болса, енді 1 шілдеден бастап ол 40 мың теңгеге көбейеді. Яғни, 103 945 теңгеге жетеді. Ал қосымша төлемдерді есептегенде ол жанұяның жалпы табысы айына 114 448 теңге болады», - деді ол.

Министр атаулы әлеуметтік көмекті дайындау үшін отбасылардың жиынтық табысында да өзгеріс орын алатындығын айтты.

«Бірінші шілдеден бастап бұрынғы есептелініп келген көпбалалы отбасыларға, алтын алқа, күміс алқа иегерлері аналарға, мүгедек балалар бар отбасыларға берілетін жәрдемақылар және стипендиялар 1 шілдеден есептелінбейді», - деді Б.Сапарбаев.

Ұсынған: Мақпал Сембай

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір