Баланы қағып кеткен полицейлер жазаланды

10 жастағы баланы қағып кеткен екі полицей бірі жұмыстан босатылды, екіншісі қызметінен кетті деп хабарлайды qamshy.kz Алматы қаласының ІІД баспасөз қызметіне сілтеме жасап.

Полиция лейтенанты Н.Тұмабаев қызметтік көлікті айдап келе жатып, баланы қаққан. Тәртіпті сақтау комиссиясының шешімімен Н.Тұмабаев жұмыстан шығарылды. Ал оның серіктесі Алматы қаласының инспекторы лауазымынан босатылды.

Жол көлік оқиғасына қатысты тексеру жұмыстары жүргізіліп жатыр. Баланы қағып кеткен жүргізуші заңға сәйкес жауапкершілікке тартылады.

            Естеріңізге сала кетейік, кеше екі полицей жол ережесін бұзған жүргізушіні қуып келе жатып 10 жастағы баланы қағып кеткен. Бала ауруханаға жеткізіліп, оған операция жасалды.