• USD 468.56

  • EUR 497.56

  • RUB 7.3

  • CNY 67.18

28 Наурыз, 14:04:45
Алматы
+35°

11 Сәуір, 2019 Тағайындау

Азаматтық қоғам және дін істері комитеттерінің төрағалары тағайындалды

Әлия Ғалымова Азаматтық қоғам істері комитетінің төрайымы болып және Ержан Болатқанұлы Нүкежанов Дін істері комитетінің төрағасы лауазымына тағайындалды.

ҚР АҚДМ азаматтық қоғам және дін істері комитеттерінің төрағалары тағайындалды деп хабарлайды Qamshy.kz ақпарат агенттігі ҚР Премьер-Министрінің баспасөз қызметіне сілтеме жасап.

ҚР ақпарат және қоғамдық даму министрінің бұйрығымен Әлия Қайратқызы Ғалымова Азаматтық қоғам істері комитетінің төрайымы болып және Ержан Болатқанұлы Нүкежанов Дін істері комитетінің төрағасы лауазымына тағайындалды. 

Ә. Ғалымова 1970 жылы Павлодар қаласында дүниеге келген. Әл-Фараби атындағы Қазақ ұлттық университетінде білім алған. Түрлі жылдары Қазақ-Герман техникалық бизнес-колледжінде, Павлодар мемлекеттік университетінде, Л. Гумилев атындағы Еуразия ұлттық университетінде оқытушы болды. 2003-2010 жж. Қазақстан Республикасы Президенті Әкімшілігінің құрылымында бас сарапшы, бөлім меңгерушісі, ішкі саясат бөлімі меңгерушісінің орынбасары болып жұмыс істеді. 2010-2012 жж. Павлодар облысы әкімінің орынбасары. 2012-2015 жж. Қазақстан Республикасы Білім және ғылым министрлігінің Жауапты хатшысы болып қызмет етті. 2016 жылы «Нұр Отан» партиясының Төрағасының Бірінші орынбасарының кеңесшісі болды. 2016 жылдың қарашасынан Азаматтық қоғам істері комитетінің төрайымы қызметін атқарды.

Е. Нүкежанов 1981 жылы Алматыда дүниеге келген. Әл-Фараби атындағы Қазақ ұлттық университетін тәмамдаған. 2002 жылы еңбек жолын «Қазақстан теледидары мен радиосы» республикалық корпорациясы» ЖАҚ ақпараттық-талдамалық қызметінің редактор-жүргізушісі болып бастаған. 2002-2009 жылдары Халықаралық заманауи саясат институтында, «Хабар» агенттігінде, «Нұр Отан» республикалық саяси партиясы» ҚМ-да, ҚР Мәдениет және ақпарат министрлігінде жұмыс істеген. 2009-2016 жылдары — ҚР Президентінің Баспасөз қызметінде сарапшы, кеңесші және сектор меңгерушісі ретінде қызмет еткен. 2016-2018 жж. ҚР Парламенті Мәжілісінің Аппарат Басшысының орынбасары лауазымын атқарған. 2018 жылғы маусмынан бастап Ақпарат комитетінің төрағасы қызметін атқарған.

Ұсынған: Мақпал Сембай

Мақпал Сембай

Автормен оның Facebook парақшасы арқылы хабарласуға болады.

Жазылыңыз

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір