Айсұлтан Назарбаев биліктегі жағымпаздарды сынға алды

Қазақстан президенті Нұрсұлтан Назарбаевтың жиені Айсұлтан Назарбаев өзінің facebook әлеуметтік желісіндегі парақшасында билік және биліктегі жағымпаздық туралы ой қозғады.

«Менен кейбіреулер «аға, көке, бүйтейік-сөйтейік, ақыл-кеңесіңізді айтыңызшы» деп жағымпазданғанымды қалайды. Біздің «элитаның» ортағасырлық дәуірге тән ойлау жүйесі осындай. Алайда мен туған атама да ондай «қарым-қатынас» жасаған емеспін. Мәселе менмендікте, билікке қызығушылықта немесе өтірік жетістікте емес. Мен жай ғана ондай адам емеспін. Мен үшін ар менен намыс бірінші кезекте, басты өмірлік құндылық.

Жоғары биліктегі кей адамдар бүтін бір мемлекет ашса алақандарында, жұмса жұдырықтарында болғанын армандайды. Арам пиғылдылар коалиция мен кланға біріге отырып, барлығынан қаржылық пайда тапқысы келіп, елді артқа сүйрейді. Солардың кесірінен Қазақстан дамымай бір орнында тұрып қалады. Бұл біздің болашағымызға төнген басты қауіп.