Айнаны қойып, дөңгелек ұрлауға көшті

Кеше Алматы қаласы Алмалы ауданының жол-көлік полициясы үш ер адамды ұстады, деп хабарлайды Qamshy.kz ақпарат агенттігі Алматы қалалық ІІД баспасөз қызметіне сілтеме жасап.

Күдіктілер Toyota Venza көлігінің екі дөңгелегін шешіп алғаны анықталды.

«Үш ер адам Hyundai Accent маркалы көлікпен қашқан. Полицейлер көлікті Гоголь мен Нұрмақов көшелерінің қиылысында тоқтатты» дейді Алматы қалалық ІІД өкілі.

Ұсталғандардың кім екені анықталды. Үшеуі де Қазақстан Республикасының азаматтары. 1991, 1994, 1995 жылғы күдіктілер сотталмаған.

Алматы қалалық ІІД мәліметіне сәйкес, Алмалы аудандық ІІБ-нің тергеу бөлімінде ҚР ҚК 188 бабы бойынша сотқа дейінгі тексеру жұмыстары жүргізіліп жатыр»