Атыраудың экс-әкімі Бергей Рысқалиевке сот үкімі шықты

Атырау облысының бұрынғы әкімі Бергей Рысқалиевті 17 жылға бас бостандығынан айырды. Бұл туралы Атырау облыстық соттың баспасөз қызметі мәлімдеді деп жазады Qamshy.kz ақпарат агенттігі Tengrinews.kz сайтының дерегін негізге алып. 

Бұрынғы әкімге өзінің қызметтік өкілетіттігін пайдалана отырып, Атырау облысы әкімдігіндегі лауазымды тұлғалармен алдын ала сөз байласу арқылы мемлекеттен ірі сомада қаражат жымқыру, алаяқтық және пара алу айыптары тағылған. Мемлекет көрген шығынның сомасы 72 миллиард теңгеден асады. Оның ағасы, Парламент Мәжілісінің бұрынғы депутаты Аманжан Рысқалиевті сот 16 жылға бас бостандығынан айырды. 

Айыптау актісіне сәйкес, Бергей Рысқалиев өзінің қызметтік өкілетіттігін пайдаланып отырып, Атырау облысы әкімдігіндегі лауазымды тұлғалармен алдын ала сөз байласу арқылы мемлекеттен ірі сомада қаражат жымқыру мақсатында қылмыстық топ құрған.

Қылмыстық іс 754 томнан тұрады. Сотталушылар сотқа келмеу себебінен процесс олардың қатысуынсыз өтті. 

Ұсынған: Әсел Болатқызы