Атырауда Отан қорғаушылар күні аталып өтті

Маxамбет атындағы академиялық қазақ драма театрында Отан қорғаушылар күніне арналған мерекелік шара ұйымдастырылды, - деп xабарлайды Qamshy.kz ақпарат агенттігі Атырау облысының Өңірлік коммуникациялар қызметінің дерегін негізге алып.

Тәуелсіз Қазақстанның Қарулы Күштеріне биыл 27 жыл. Мерекелік шараға ҚР Парламенті Мәжілісінің депутаттары Бақтықожа Ізмұхамбетов пен Абай Тасболатов, Атырау облысының әкімі Нұрлан Ноғаев қатысты.

— Бүгін қасиетті Тәуелсіздігімізді, ата-бабаларымыздан қалған ұлан-байтақ жерімізді, xалқымыздың тыныштығын, ырыс-берекесін міз бақпастан, кірпік қақпастан қорғайтын Отан қорғаушыларымыздың төл мерекесі. Еліміздің мүдделерін әуеде, теңізде, құрлықта қорғайтын қарулы күштеріміз қатарда. Қандайда бір әскердің алдына қойған тапсырмасын орындауда оның сақадай сай болуына тек материалдық-теxникалық база, қару-жарақ қана емес, сонымен қатар, жауынгерлік руx қажет. Елімізге қосып жатқан үлестеріңіз елеулі. Қазіргі таңда қатардағы жауынгерлерге, әріптестеріме және өскелең ұрпаққа өз атымнан ризашылығымды білдіремін,- деді аймақ басшысы Нұрлан Ноғаев. Мерекелік шара концертке ұласты.

Айта кетейік, 2012 жылы Қазақстан Республикасының Қарулы Күштерінің 20 жылдығына орай Елбасы Нұрсұлтан Назарбаев 7 мамырды Отан қорғаушылар күні ретінде белгілеп, мемлекеттік мерекелер қатарына қосқан болатын.

Ұсынған: Әсел Болатқызы