Атырауда мамандандырылған ХҚКО шамамен 7 мың жүргізуші куәлігін берді

Бүгінгі таңда 26 мыңнан астам қызмет көрсетіліп, 7 мыңға жуық жүргізуші куәлігі берілді. Бұл мұнайлы өлкедегі ХҚКО –ның алғашқы 5 айдағы жұмысы, деп хабарлайды Атырау облысының Өңірлік коммуникациялар қызметі.

Бұл туралы ӨКҚ – де өткен брифингте «Азаматтарға арналған Үкімет »мемлекеттік корпорациясының Халыққа қызмет көрсету орталығының Атырау облыстық филиалы директорының орынбасары Тұрлан Нұржанов мәлімдеді.

- Өткен жылы желтоқсан айының ортасында Атырауда мамандандырылған ХҚКО ашылды. Осы уақыттан бастап 2019 жылдың 1 сәуіріне дейін 26 934 қызмет көрсетілді. Атап айтқанда, автокөлік құралдарын тіркеу, қайта тіркеу - 20 102. Бүгінгі күні 6 832 жүргізуші куәлігі берілді, дейді Тұрлан Нұржанов.

Спикердің айтуынша, Атырау қаласының тұрғындары жүргізуші куәліктері үшін 25-30 онлайн-өтінімді толтырады. Сондай-ақ, жүргізуші куәлігін ауыстыру немесе қалпына келтіру жүргізіледі. Бұл үшін арнайы ХҚКО-ны шығару бөлімінде сізге айырбастауға арналған жүргізуші куәлігін, жеке басын куәландыратын құжатты, сондай-ақ мемлекеттік бажды төленгендігі жөнінде электронды чекті ұсыну қажет.

- Бұның барлығын онлайн түрде жасай аласыз. Ол үшін тұрғындар egov.kz порталына кіріп, өтінішті толтырып, оны ЭЦҚ-мен қол қоюы керек. Қолданбаған фотосурет және қолтаңба суретін сканерлеу қажет. Құжаттың дайындығы туралы дербес шотыңыздағы хабарламаны алғаннан кейін дайындық жүргізуші куәлігін алу үшін арнайы ХҚКО-ға бару керек. Құжаттың дайындығы туралы хабарлама мобильді тұрғындардың деректер базасында тіркелсе, хабарландыру SMS түрінде жіберіледі, - деді «Азаматтарға арналған Үкімет» мемлекеттік корпорациясы халыққа қызмет көрсету орталығының Атырау облыстық филиалы директорының орынбасары Тұрлан Нұржанов.