• USD 468.56

  • EUR 497.56

  • RUB 7.3

  • CNY 67.18

29 Наурыз, 10:23:38
Алматы
+35°

17 Мамыр, 2019 Аймақтар

Атырау облысында мектеп директорлары мемлекеттік сатып алу рәсіміне қатыспайтын болады

Атырау облысында мектеп директорлары мемлекеттік сатып алу рәсіміне қатыспайтын болады

Атырау облысының әкімі Нұрлан Ноғаев білім беру саласы қызметкерлерімен өткізген жиналыста: - Мектеп директорлары мемлекеттік сатып алудың қиын рәсімдеріне қатысудың орнына өз міндеттерін атқарулары тиіс , - деді.

Нұрлан Ноғаев мектеп директорларын бұл процеске қатыстырмай, мемлекеттік сатып алу рәсімдерін жүйелендіруді және орталықтандыруды тапсырды.

-Мектеп директорлары өз құзыреттеріндегі мәселелермен ғана айналысулары керек. Мемлекеттік сатып алу рәсімдеріне қатысуға міндетті емес және бұл жұмысты орталықтандыру қажет. Мемлекеттік сатып алу саласын дұрыс білмегендіктен, мектептерде қателіктер кетеді, соның кесірінен сапасыз тауарлар алынып жатады, ал ол оқу процесіне кері әсерін тигізеді. Басқа да проблемалар бар. Әр мектеп ыстық тамақ жеткізушіні өзі анықтайды, сондықтан білім беру мекемелерінде ас мәзірі әр түрлі. Ата-аналар тарапынан шағымдар бар. Орталықтандыру арқылы осы жағдайды түзеуге болады, - деп атап өтті Нұрлан Ноғаев.билим

Облыс әкімінің бірінші орынбасары Серік Шапкенов бұл бағыттағы жұмыстар жүріп жатқанын айтты. Жақын уақытта мектеп директорлары мемлекеттік сатып алу мәселелерімен айналыспайтын болады, сондай-ақ, бухгалтерлік есепті орталықтандыру жоспарланып отыр.

-Қазір бәріне цифрлық үлгіде қарап отыруға болады. Бәрі анық, қолжетімді көрсетілетін бағдарлама құру керек. Әр оқытушы өзінің қанша жұмыс істеп, қандай еңбекақы алатынын көріп отыруы тиіс. Сол кезде қызметкерлердің оқу сағаттарына ақы төлеу төңірегіндегі сауалдары мен талаптары болмайды,-деді Нұрлан Ноғаев.

"Қамшы" сілтейді

Қате тапсаңыз, қажетті бөлікті таңдап ctrl+enter басыңыз.

Пікір қалдыру

пікір